| e-texts navigator |
| Wylie |
33b1 ལས།། འོད་ཟེར་ལྔ་ནི་ཕྱོགས་བཅུར་འཕྲོས།། རང་བྱུང་གཞལ་ཡས་ཆེན་པོ་དང་།། འདུ་འབྲལ་མེད་པར་འོད་དུ་བཞུགས།། སྙིང་པོ་བྱང་ཆུབ་རིག་པའི་སྐུ།། ཆོས་སྐུ་འོད་ཟེར་ཕུང་པོར་བཞི་ཉིད་གནས།། འགག་མེད
33b2 འོད་ཟེར་ཕུང་པོ་ནི།། རྟག་པ་མ་ཡིན་མི་རྟག་མིན།། སྣང་བ་མ་ཡིན་སྟོང་པ་མིན།། ཅི་ཕྱིར་ཆོས་སྐུ་ལས་བྱུང་ཕྱིར།། ཆོས་སྐུ་མཐའ་ཡས་ཡེ་ཤེས་རིག་པའི་དོན།། དེ་ཕྱིར་འོད་ཟེར་ཕུང་པོ་ཡང་།། མཐའ་ལས་འདས
33b3 པའི་འོད་གསལ་ལོ།། འོད་ཟེར་སྣང་ལ་རང་བཞིན་མེད།། ནམ་མཁའི་མཐའ་དང་མཉམ་པ་ཞེས་སུ་བྱ།། མ་འདྲེས་ཡོངས་སུ་རྫོགས་པས་ན།། དཔེར་ན་ནམ་མཁའི་འཇའ་ཚོན་ལྟར།། གསལ་སྟོང་དབྱེར་མེད་སོ
33b4 སོར་རིགས་ལྔ་འོད་གསལ་ལོ།། དེ་ཕྱིར་བྱང་ཆུབ་སྙིང་པོའི་རང་བཞིན་ནི།། འོད་གསལ་སྙིང་པོ་ཡེ་ཤེས་བརྗོད་ལས་འདས།། ལོངས་སྐུ་ཐུགས་རྗེ་འོད་ཟེར་འགྲོ་ལ་ཕྱོགས་བཅུར་འཕྲོ།། མི་འགག་སྤྲུལ་པའི་སྐུ་ཉིད
33b5 བསམ་མི་ཁྱབ།། སེང་གེ་སྒྲ་ཉི་ཟླ་ཁ་སྦྱོར་ལས། ལོངས་སྐུ་འོད་ཟེར་འཕྲོ་བའི་ལེའུ་སྟེ་ཉི་ཤུ་དྲུག་པའོ།། །། ཀྱེ། བཅོམ་ལྡན་ཐུགས་རྗེ་ཐབས་ཀྱི་བདག། སྦྲུལ་སྐུ་འོད་ཟེར་གསུང་དུ་གསོལ།། བཀའ་སྩལ
33b6 པ། ཐུགས་རྗེ་སྦྲུལ་སྐུ་འབྱུང་དུས་སུ།། ཡེ་ཤེས་སྒོ་ལྔ་ཐམས་ཅད་ནས།། འོད་ཟེར་ལྔ་ལྔ་ཕྱོགས་བཅུར་འཕྲོ།། སེམས་ཅན་སོ་སོའི་གནས་རྣམས་སུ།། བསྟན་པའི་སྙིང་པོ་རེ་རེ་འབྱུང་ཞིང་སྒྲོགས།། ཀྱེ། རིགས་ཀྱི་བུ
iiif viewer powered by OpenSeadragon
