| e-texts navigator |
| Wylie |
33a1 ཉིད་འགག་མེད་སྙིང་པོ་དང་།། ཤེས་རབ་རྒྱུན་ཆད་མེད་པ་འགག་མེད་སྙིང་པོ་དང་།། ཤེས་རབ་ཟག་མེད་མི་འགག་སྙིང་པོ་དང་།། ཤེས་རབ་འགྱུར་བ་མེད་པ་མི་འགག་སྙིང་པོ་ལྔ།། བྱས་རྩོལ་མེད
33a2 པས་རྒྱུན་གྱི་འོད་ཟེར་འབར་བར་གནས།། དེ་ནས་སྐུ་གསུམ་སྟོན་པ་ཡེ་ཤེས་སྙིང་པོ་ཅན་ཞེས་བྱ།། དེ་ཉིད་རང་བཞིན་དག་པའི་དབྱིངས་ནས་འོད་ཟེར་འཕྲོ།། སྐུ་གཉིས་ཆོས་སྐུ་ཟེར་འོད་ལ།། རོལ་པའི་ཡེ་ཤེས་འོད
33a3 འཕྲོ་བ།། ཁ་དོག་ལྔར་ནི་མ་འདྲེས་འཚེར།། གསལ་དང་དྲོ་དང་བསིལ་བ་དང་།། ཡང་དང་ཡངས་ཤིང་ཁྱབ་པའི་བདག། ཡེ་ཤེས་འབྱུང་ལྔའི་ཆ་འཛིན་པ།། འོད་ཟེར་འཕྲོ་བའི་རང་བཞིན་ནི།། སངས་རྒྱས་ཀུན་གྱི་སྐུ
33a4 ལ་འཆར། གཅིག་པུ་རབ་ཏུ་ཆེ་བའི་ལྷ།། ནམ་མཁའ་ཉི་མའི་ཚུལ་དུ་གསལ་འཚེར་བ།། རྡོ་རྗེ་ལྟ་བུའི་ཏིང་འཛིན་ལ།། འདུ་འབྲལ་མེད་པར་དབྱེར་མེད་བཞུགས།། སེང་གེ་སྒྲ་ཉི་ཟླ་ཁ་སྦྱོར་ལས། ཆོས་སྐུ་ངོ་བོ་ཉིད
33a5 ལས་ནི་ཡེ་ཤེས་འོད་ཟེར་རྣམ་པ་ལྔ་འགག་མེད་འབྱུང་བའི་ལེའུ་སྟེ་ཉི་ཤུ་ལྔ་པའོ།། །། ཀྱེ། བཅོམ་ལྡན་ཟུགས་རྗེ་ཐབས་ཀྱི་བདག། ལོངས་སྐུའི་འོད་ཟེར་ཇི་ལྟར་འཆར།། ཐབས་ཀྱི་བདག་ཉིད་གསུང་དུ
33a6 གསོལ།། བཀའ་སྩལ་པ། སངས་རྒྱས་ངོ་བོ་རང་བཞིན་ནི།། ལོངས་སྐུའི་འོད་ཟེར་དཔག་མཐའ་ཡས།། ཡེ་ཤེས་འོད་ཟེར་བྱུང་ལུགས་ནི།། མ་འོངས་སྔོན་རོལ་ཐོག་མའི་དུས།། སངས་རྒྱས་མི་འགྱུར་ལྗགས་ཀྱི་པདྨོ
iiif viewer powered by OpenSeadragon
