| e-texts navigator |
| Wylie |
32a1 གསུམ་སྤྱན་གྱི་འཆར་ལུགས་གསུང་དུ་གསོལ།། བཀའ་སྩལ་པ། སྤྱན་གྱི་ངོ་བོ་དབྱེ་བ་བཅས།། དེ་ཡི་དབྱེ་བ་རྡོ་རྗེ་འཛིན་པས་ཟུང་།། ཆོས་སྐུ་ཡེ་ཤེས་ཆོས་ཉིད་ཀྱི།། སྤྱན་ནི་དབྱེར་མེད་རྩེ་གཅིག
32a2 གཟིགས།། ལོངས་སྐུ་ཡེ་ཤེས་སྤྱན་ནི་རྟོག་མེད་ཟང་ཐལ་གསལ།། སྦྲུལ་སྐུ་ཤེས་རབ་སྤྱན་གྱིས་འཁོར་འདས་སོ་སོར་གསལ།། ལྷ་ཡི་སྤྱན་གྱིས་བག་ཆགས་ཟད་པར་གཟིགས།། ཤ་ཡི་སྤྱན་གྱིས་ཏིང་འཛིན་རྣམ
32a3 དག་གཟིགས།། ཆུ་བུར་སྤྱན་ནི་འགྲོ་བ་ཡོངས་ལ་གསལ།། སྤྱན་གྱི་ངེས་ཚིག་མ་བཅོས་འགག་མེད་གསལ།། མཚན་ཉིད་སྒྲིབ་མེད་དཔེར་ན་ཉི་མའི་སྙིང་པོ་ལྟར།། ཀྱེ་རིགས་ཀྱི་བུ་དག་ཆོས་ཉིད་སྤྱན་ཞེས་ཇི་ལྟར
32a4 གདགས་ཤེ་ན།། ཆོས་སྐུ་ཐུགས་ཀྱི་ཁྱབ་བདལ་ལ།། ལོངས་སྐུ་ཡེ་ཤེས་ཁྱབ་བདལ་ལ།། རྣམ་རྟོག་མི་མངའ་ཆོས་ཉིད་ངང་དུ་ས་ལེ་གཟིགས།། ཆོས་ཉིད་ངང་ལ་སྒྲིབ་པ་མེད་པས་ཆོས་ཀྱི་སྤྱན་ཞེས་བྱ།། ལོངས་སྐུ་ཡེ
32a5 ཤེས་སྤྱན་གྱིས་སྐད་ཅིག་ཐམས་ཅད་དུ།། ཡེ་ཤེས་འོད་གསལ་གདངས་ལ་ཅི་ཡང་རྟོག་མེད་གསལ།། སྦྲུལ་སྐུ་ཤེས་རབ་སྤྱན་གྱིས་ལྡོག་གྱུར་ཀུན་འབྱུང་གཟིགས།། བྱང་སེམས་ལྷ་ཡི་སྤྱན་གྱིས་མངོན་ཤེས་གཞན
32a6 སེམས་གཟིགས།། ཤ་ཡི་སྤྱན་ནི་གསལ་ལ་མི་རྟོག་རང་རིག་གོ། ཆོས་སྐུའི་སྤྱན་གྱི་ཟེར་ལས་ལོངས་སྐུ་སྤྱན་གྱི་བུམ་པ་ལྔ།། རང་ཤར་ངོ་བོ་ཉིད་ལས་ངོ་བོ་ཉིད་སྐུ་ཤར།། ལོངས་སྐུ་སྤྱན་གྱི་ཟེར་ལས་ཐུགས་རྗེ་ཡི་གེ
iiif viewer powered by OpenSeadragon
