| e-texts navigator |
| Wylie |
31b1 གསུམ་ཡིན་ནོ།། རིན་ཆེན་སྦུབས་ཀྱིས་མཚན་ཉིད་ནི།། རྣམ་དག་ཟང་ཐལ་གསལ་ལ་འཚེར།། འགྱུར་མེད་འགག་མེད་ངོ་བོ་ཉིད།། འོད་འབར་ཀུན་གསལ་ཡེ་ཤེས་སྐུ།། ཉི་མའི་སྙིང་པོ་ལྟ་བུ་རིན་ཆེན་ཆོས་སྐུ
31b2 སྦུབས།། འོད་གསལ་སྦུབས་ན་རང་རིག་དྲི་མེད་པ།། འགག་མེད་བདེ་ཆེན་ཡེ་ཤེས་འོད་ཀྱི་སྦུབས།། སུམ་ཅུ་རྩ་གཉིས་མཚན་འཆང་བ།། འཇའ་ཚོན་འབར་བའི་ཚོམ་བུར་མཛེས།། ལྷུན་སྡུག་གསལ་འབར་གཟི
31b3 བརྗིད་ལྡན།། འོད་ཀྱི་སྦུབས་ཏེ་ལོངས་སྐུ་ཡིན།། བག་ཆགས་སྦུབས་སུ་བསྟན་པ་ནི།། སྒོང་དང་དྲོད་དང་མངལ་སྐྱེས་དང་།། པདྨ་དག་ལས་རྫུས་སྐྱེས་པ།། ཕུང་པོ་ཁམས་དང་སྐྱེ་མཆེད་དང་།། ཚོགས་བརྒྱད་སེམས
31b4 དང་བཅས་པའི་ལུས།། ཤ་ཁྲག་སྦུབས་ཏེ་སྦྲུལ་སྐུ་དང་།། འགྲོ་བ་དྲུག་གི་སེམས་ཅན་རྣམས།། བཞུགས་དང་གཉེན་པས་སྦུབས་ཤེས་བྱ།། ལ་ལ་ཆུ་བུར་ལུས་དང་ནི།། ཡིད་དང་འོད་ལ་གནས་པའོ།། ཡོན་ཏན་ཀུན
31b5 འབྱུང་རིན་ཆེན་སྦུབས།། སྣང་ལ་དངོས་མེད་འོད་གསལ་བ།། འཇའ་ཚོན་ཆུ་ཟླ་ཉི་ཟླའི་དཔེ།། འཇའ་ཚོན་ལྟ་བུ་འོད་གསལ་ཟང་ཐལ་དཔེ།། འོད་སྦུབས་ལོངས་སྐུར་དཔེར་བསྟན་པའོ།། རྣམ་རྟོག་མཐུ་བརྟས་བག
31b6 ཆགས་སྦུབས།། སྒྱུ་མ་རྨི་ལམ་དཔེས་བསྟན་མི་རྟག་སྟོང་།། ཞེས་སེང་གེ་སྒྲ་ཉི་ཟླ་ཁ་སྦྱོར་ལས། སྦུབས་གསུམ་དབྱེ་བའི་ལེའུ་སྟེ་ཉི་ཤུ་གསུམ་པའོ།། །། ཀྱེ། བཅོམ་ལྡན་ཐུགས་རྗེ་ཐབས་ཀྱི་བདག། སྐུ
iiif viewer powered by OpenSeadragon
