| e-texts navigator |
| Wylie |
31a1 གཉིས་ནང་ན་གསལ་བར་འཆར།། སྒོ་ང་བྱེའུ་ཕྲུག་སྨིན་པ་ཕྱིར་འབྱུང་ལྟར།། ལོངས་སྐུ་ཡེ་ཤེས་རྩལ་རྫོགས་སྦྲུལ་སྐུ་ཕྱིར་འབྱུང་འགྲོ་དོན་བྱེད།། རྒྱ་མཚོར་བུ་བྲན་འཕྲོ་ཞིང་འདུ་བ་དང་།། སྒྱུ་མའི
31a2 གཟུགས་བརྙན་སྟོན་ཅིང་སྡུད་པ་ལྟར།། རྒྱན་དང་རོལ་པ་ཆོས་ཉིད་ངོ་བོ་སྡུད་པའི་དཔེར་བསྟན།། སེང་གེ་སྒྲ་ཉི་ཟླ་ཁ་སྦྱོར་ལས།། སྐུ་གསུམ་དཔེའི་ལེའུ་སྟེ་ཉི་ཤུ་གཅིག་པའོ།། །། ཀྱེ། བཅོམ་ལྡན་ཟུགས
31a3 རྗེ་ཐབས་ཀྱི་བདག། འགྲོ་བ་འདྲེན་པའི་སྦྲུལ་སྐུ་བཤད་དུ་གསོལ།། བཀའ་སྩལ་པ། གདོད་ནས་རྣམ་དག་ཆོས་སྐུ་ཆེན་པོ་ལས།། སྐུ་གཉིས་རོལ་པར་བསྟན་པའི་དཔེ།། ནམ་མཁའ་ལྟ་བུའི་ཆོས་ཉིད་ལ།། མན་ཤེལ
31a4 ལྟ་བུ་རིག་པ་གསལ།། ཉི་ཟེར་ལྟ་བུའི་ཐུགས་རྗེ་བྱུང་།། ནད་པ་ལྟ་བུའི་རིགས་དྲུག་ལ།། མུན་པ་ལྟ་བུའི་འཁྲུག་པ་གསལ།། དགོངས་པའི་ཡེ་ཤེས་བདུད་རྩི་ཡིས།། དུག་ལྔ་རང་རྒྱུད་ནད་གཞི་གཡོས།། ཞེས་སེང་གེ
31a5 སྒྲ་ཉི་ཟླ་ཁ་སྦྱོར་ལས། འགྲོ་བ་འདྲེན་པར་བསྟན་པ་ཐུགས་རྗེའི་ལེའུ་སྟེ་ཉི་ཤུ་གཉིས་པའོ།། །། ཀྱེ། བཅོམ་ལྡན་ཐུགས་རྗེ་ཐབས་ཀྱི་བདག། སྦུབས་ཀྱི་གནས་ལུགས་བཤད་དུ་གསོལ། བཀའ་སྩལ་པ།
31a6 ངོ་བོ་ངེས་ཚིག་དབྱེ་བ་མཚོན་དཔེ་བསྟན།། ངོ་བོ་བསྟན་པའི་སྐུ་ཡིན་པས།། སྦུབས་ཤེས་པ་རུ་བཏགས་པ་ཡིན།། དབྱེ་བ་རྣམ་པ་གསུམ་ཡིན་ཏེ།། རིན་ཆེན་སྦུབས་དང་འོད་ཀྱི་སྦུབས།། བག་ཆགས་སྦུབས་དང
iiif viewer powered by OpenSeadragon
