| e-texts navigator |
| Wylie |
30b1 པས་མཁྱེན་པས་གྲོལ།། མ་འགགས་རང་གདངས་འགྲོ་ལ་འོད་གསལ་ལོ།། འཁོར་བ་རང་རྒྱུད་རོལ་པ་ནི།། ཕྱི་ནང་སྣོད་བཅུད་བསྡུས་པའི་ཆོས།། གཟུགས་སུ་སྣང་བ་སྐུ་ཡི་རྒྱན།། ཆུ་ཟླ་བཞིན་དུ་གཟུང་དང
30b2 བྲལ།། སྒྲ་སྐད་ཐམས་ཅད་གསུང་གི་རྒྱན།། བྲག་ཆ་བཞིན་དུ་དངོས་མ་གྲུབ།། དྲན་རིག་ཐམས་ཅད་ཐུགས་ཀྱི་རྒྱན།། ནམ་མཁའ་བཞིན་དུ་དངོས་མ་གྲུབ།། གཟུང་འཛིན་རང་རྒྱུད་མ་གྲུབ་པས།། ཡེ་ཤེས་རྒྱུ་མའི
30b3 ཡུལ་ལ་རོལ།། ལུས་ངག་ཡིད་གསུམ་སྐུ་གསུང་ཐུགས་ཀྱི་ངང་དུ་གྲོལ།། སྐུ་གསུམ་རྒྱན་དང་རོལ་བར་ཀུན་ཤར་བས།། རྟོག་ལྡན་རྒྱན་དང་རོལ་བ་ཀུན་སྣང་སྟེ།། སྣང་གྲགས་སྒྱུ་མ་རྨི་ལམ་དཔེའི་རང་བཞིན
30b4 མེད།། ཡོད་པ་མེད་པར་རྟོགས་པ་རྣམ་རྟོག་ཟིལ་གྱིས་ནོན།། མེད་པ་ཡོད་པར་སྐུ་གསུམ་རྟོགས་པས་ཡེ་ཤེས་ནང་ནས་ཤར།། མན་ཤེལ་སྐུ་ལ་འོད་ལྔ་མི་འགག་པ།། ཆོས་ཀྱི་སྐུ་ལ་ཡེ་ཤེས་བརྒྱན་པའི་དཔེ།། སེང་གེ
30b5 སྒྲའི་དགོངས་པ་ཉི་ཟླ་ཁ་སྦྱོར་ལས།། རྒྱན་རོལ་པའི་ལེའུ་སྟེ་ཉི་ཤུ་པའོ།། ཀྱེ།། བཅོམ་ལྡན་ཐུགས་རྗེ་ཐབས་ཀྱི་བདག། སྐུ་གསུམ་དཔེ་ཡིས་བསྟན་དུ་གསོལ། བཀའ་སྩལ་པ། ཉི་མའི་སྙིང་པོ་འོད་ཟེར་འབྱུང་བ
30b6 ལྟར།། སྐུ་གསུམ་འོད་ཟེར་འཕྲོ་བའི་བདག་ཉིད་དོ།། རྨ་བྱ་སྒོ་ང་ཁ་དོག་ལྔ་ལྡན་པ།། སྐུ་གསུམ་ཡེ་ཤེས་ཁ་དོག་ལྔ་ལྡན་དཔེ།། མན་ཤེལ་རྐྱེན་དང་ཕྲད་པས་འོད་སྣང་ཕྱིར་འབྱུང་ལྟར།། ཆོས་སྐུའི་ངང་ལས་སྐུ
iiif viewer powered by OpenSeadragon
