| e-texts navigator |
| Wylie |
30a1 ཐལ་ལརུ་རྩ་བཅུ་དགུ་པ་ལ།། ། 6། བཅོམ་ལྡན་ཐུགས་རྔ་ཐབས་ཀྱི་བདག། གསུམ་རྩལ་དུ་མ་འགགས་པ།། རྒྱན་དང་རལ་པ་བཤད་དུ་གསལ།། བཀའ་སྩལ་པ། རྒྱན་རལ་རྔ་ཟངས་ཅག
30a2 དང་།། དབྱེ་བ་རྣམ་པ་བསྟན་པ་ནི།། ངོ་བོ་དབྱེ་བའི་འཆར་བཤད་བྱ།། ངེས་ཚིག་མཛེས་པའི་ཆ་ལ་བཏགས།། ཆོས་ཉིད་རྒྱན་དང་ཆོས་སྐུའི་རྒྱན།། ཆོས་ཉིད་དབྱིངས་ལ་ཆོས་སྐུས་བརྒྱན།། ཆོས་སྐུ་རྒྱན་དུ་སྐུ་གཉིས
30a3 བརྒྱན།། མཚན་ཉིད་འཛིན་པའི་འོད་ལྔ་ཡང་།། དབྱིངས་དང་ཡེ་ཤེས་འབྲལ་ཡུལ་རྒྱན།། དཔེར་ན་གསེར་ལ་གཡུ་སྤྲས་འདྲ།། མཛེས་པའི་ཕྱིར་ན་རྒྱན་ཅེས་བྱ།། ཆོས་ཉིད་སྟོང་པ་ཆོས་སྐུ་རིག་པས
30a4 བརྒྱན།། སྟོང་པའི་དབྱིངས་ལ་ཡེ་ཤེས་མཛེས།། ཆོས་ཀྱི་སྐུ་ལ་ཡེ་ཤེས་བརྒྱན།། ཡོན་ཏན་ལོངས་སྐུ་འགག་མེད་མཛེས།། ཡེ་ཤེས་ལོངས་སྐུ་གསུང་ལ་ཐུགས་རྗེས་བརྒྱན།། འགྲོ་དྲུག་སྡུག་བསྔལ་གནས་ནས་འདྲེན
30a5 པས་སྦྲུལ་སྐུས་མཛེས།། བྱས་པའི་རྒྱན་མ་ཡིན་ཏེ་ལྷུན་གྲུབ་ཤུགས་ལས་འཆར།། དེ་ནས་རོལ་པའི་དོན་བསྟན་པ།། ཆོས་ཉིད་དག་པའི་རོལ་པ་དང་། འཁོར་བ་རང་རྒྱུད་རོལ་བའོ།། དག་པ་ཆོས་ཉིད་རོལ་པ
30a6 ནི།། མ་བཅོས་པ་ཡི་ཆོས་ཉིད་ལ།། མ་གཡོས་པ་ཡི་ངང་ཉིད་གསལ།། རང་བཞིན་འགག་མེད་ཡེ་ཤེས་ཤར།། བག་དང་བྲལ་བའི་ནམ་མཁའ་ལ།། འབྱུང་བ་བཞི་ཡི་གདངས་ཤར་བཞི།། སྣང་ལ་རང་བཞིན་མེད
iiif viewer powered by OpenSeadragon
