| e-texts navigator |
| Wylie |
29a1 གྲུབ་ཡེ་ཤེས་ཐོགས་མེད་པ་ནི་ལྗང་ཁུར་གསལ།། དེ་རྣམས་ཆོས་ཉིད་དང་ནི་ངོ་བོ་ཡེ་ཤེས་གསལ།། སྐུ་གསུམ་རང་རིག་ཡེ་ཤེས་གསལ་བའི་ལམ།། མ་བསྒྲིབས་ཟེར་འོད་འགག་པ་མེད།། ཡེ་ཤེས
29a2 རང་སྣང་གསལ་བའི་ལམ་ཞེས་བྱ།། ཡེ་ཤེས་ངོ་བོ་འོད་གསལ་ལ།། ཡེ་ཤེས་ཡོན་ཏན་སྒྲིབ་མེད་རིག་པའི་གདངས།། ཡེ་ཤེས་མཁྱེན་ཤར་ཐོགས་པ་མེད།། འབྲས་བུ་སྒྲིབ་མེད་གདངས་ཀྱི་ངང་།། སྐུ་གསུམ་རོལ་པ
29a3 ཟེར་བརྡ་ལས།། ཕྱོགས་མེད་རང་གྲོལ་མྱ་ངན་འདས།། མ་རིག་དུས་ཟད་ལས་ཟད་འདས།། འཁོར་བ་ཚེ་ཟད་མཁྱེན་གསུམ་ཐོབ་ཅེས་བྱ།། རྟོགས་པ་སྐུ་དང་ཡེ་ཤེས་ཐོབ།། ཡེ་ཤེས་དོན་ནི་འོད་ཤར་གསལ།། སྒྲིབ
29a4 མེད་གསལ་འཚེར་རང་བཞིན་ཟེར་ལ་རོལ།། མ་རྟོགས་སྣོད་བཅུད་གཉིས་སུ་འཁྲུལ།། དཔེར་ན་མེ་ལོང་དག་པ་ལ།། རྐྱེན་གྱི་དབང་གིས་སོ་སོར་གསལ།། རྐྱེན་གྱི་དབང་གིས་སྣང་ན་ཡང་།། སྣང་བ་ངོ་བོར་གོས་པ
29a5 མེད།། དེ་བཞིན་རིག་པ་ཆོས་སྐུ་ལ།། རྩལ་སྣང་མ་འགགས་སྣ་ཚོགས་ཤར།། ཤར་ཡང་རང་རིག་གཅིག་པུ་ལས།། རིག་པའི་ཡེ་ཤེས་བརྗོད་དུ་མེད།། དུས་དང་གནས་སྐབས་ཐམས་ཅད་དུ།། དངོས་མེད་ཡེ་ཤེས
29a6 དག་པར་གནས།། སྒྲིབ་མེད་གདངས་གསལ་དང་དུ་རོལ།། ལམ་པའི་དུས་ལ་ཡེ་ཤེས་ལྔ་མ་རྫོགས།། མེ་ལོང་ཡེ་ཤེས་མཉམ་ཉིད་གསུམ་ལ་གནས།། གསལ་བ་མ་འགགས་མེ་ལོང་དང་།། ཐ་དད་སྣང་བ་སོ་སོ
iiif viewer powered by OpenSeadragon
