| e-texts navigator |
| Wylie |
28b1 ལྟར།། མེ་ལོང་ཡེ་ཤེས་དཔེ་ནི་མེ་ལོང་གཡའ་དག་ལྟར།། སོ་སོར་རྟོག་པ་རྒྱ་མཚོའི་གཟའ་སྐར་ལྟར།། བྱ་བ་གྲུབ་པའི་ཡེ་ཤེས་དཔེ་ནི་ཉི་མའི་སྙིང་པོ་ལྟར།། མི་གནས་ཡེ་ཤེས་དེ་ནི་ཆུ་ཟླ་ལྟར།། རང་རིག་ཡེ་ཤེས
28b2 མན་ཤེལ་ལྟ་བུ་སྟེ།། འདའ་ཀ་ཡེ་ཤེས་དཔེ་ནི་རྒྱལ་པོའི་བཀའ་ཁྲིམས་འདྲ།། ཐམས་ཅད་འབྱུང་བ་གཞི་ཉིད་ཡེ་ཤེས་ཡིན།། ལྟོས་མེད་སྟོང་པ་ཆོས་དབྱིངས་ཡེ་ཤེས་ཡིན།། འགག་མེད་གསལ་བས་མེ་ལོང་ལྟ་བུས
28b3 བྱ།། གཉིས་མེད་སྦྱོར་བྱེད་མཉམ་ཉིད་ཡེ་ཤེས་ཡིན།། མ་འདྲེས་རྫོགས་པར་སོ་སོར་རྟོགས་པར་བྱེད།། ཐོགས་པ་མེད་པར་བྱེད་པས་བྱ་བ་གྲུབ།། མཐའ་བྲལ་བརྗོད་པས་མི་གནས་ཡེ་ཤེས་སོ།། རང་གིས་རང་རིག
28b4 རང་ཤར་ཡེ་ཤེས་སོ།། འགྱུར་མེད་འདུས་མ་བྱས་པ་རང་བྱུང་ཡེ་ཤེས་ལ།། དོན་ལ་མི་འདར་བྱེད་པ་འདའ་ཀ་ཐུགས་ཡེ་ཤེས་ལ།། ཆོས་སྐུ་ཐིག་ལེ་རིག་པའི་རྩལ་སྣང་བ།། ཐ་དད་དང་འོད་ཟེར་དུ་གསལ་བ
28b5 ནི།། རིག་དང་དངོས་མེད་ཟང་ཐལ་དང་།། འགག་མེད་དབྱེར་མེད་ཐོགས་པ་མེད་པ་ལ།། ཡེ་ཤེས་ལྔ་ཡི་མཚན་ཉིད་དེ་ལྔས་བཟུང་།། དབྱིངས་དང་ཡེ་ཤེས་གཉིས་ནི་རང་གདངས་སྟོང་པའི་ངང་།། ཆོས་དབྱིངས་ཡེ
28b6 ཤེས་སྟོང་པའི་ངང་ནི་མཐིང་ཁར་གསལ།། མེ་ལོང་ཡེ་ཤེས་འགག་མེད་དང་ནི་དཀར་པོར་གསལ།། མཉམ་ཉིད་ཡེ་ཤེས་དབྱེར་མེད་དང་ནི་སེར་པོར་སྣང་།། སོ་སོར་རྟོག་པར་མ་རིག་དང་ནི་དམར་པོར་སྣང་།། བྱ
iiif viewer powered by OpenSeadragon
