| e-texts navigator |
| Wylie |
28a1 རྣམ་གྲངས་བཅས་པ་དང་།། མཚོན་པའི་དཔེ་དང་སྦྱར་བཤད་པ།། ཡེ་ཤེས་ངོ་བོ་སྙིང་པོ་འོད་གསལ་བ།། མི་རྟོག་རང་བཞིན་རྣམ་དག་པས།། གཞི་གནས་ཡེ་ཤེས་རང་བྱུང་འོད་གསལ་ལོ།། སྐུ་དང
28a2 སྦྱར་ན་ཆོས་སྐུ་ཟང་ཐལ་སྐུ།། རིག་པ་སྦྱར་ན་ངོ་བོ་ཉིད་ཡིན་ཏེ།། འདུག་ཚུལ་སྦྱར་ན་རང་གསལ་འོད།། སྣ་ཚོགས་འོད་འབར་མཚན་འཛིན་པ།། རང་བཞིན་ལྷུན་གྲུབ་རྟག་ཆད་འདས།། ཕྱི་ནང་མེད་པ་ཟང་ཐལ
28a3 འོད།། སྙིང་པོར་འབྱུང་བ་ཡེ་ཤེས་དོན་དུ་བཤད།། ཡེ་ཤེས་ཞེས་པ་ཡེ་ཉིད་རང་གི་དོན།། དེ་ཉིད་ཤེས་པ་ཚིག་གི་དོན་བཤད་པ།། དེ་ཡི་དབྱེ་བ་བསྟན་པ་ནི།། རིག་པ་རང་དག་ཟང་ཐལ་འོད་གསལ་ལ།། གཞི
28a4 གནས་འབྱུང་རུང་ཡེ་ཤེས་ཆེན་པོས་བྱ།། དེ་ཉིད་སྟོང་པས་ཆོས་དབྱིངས་ཡེ་ཤེས་སོ།། འགག་མེད་གསལ་བས་མེ་ལོང་ལྟ་བུ་ཡིན།། རིག་སྟོང་དབྱེར་མེད་མཉམ་ཉིད་ཡེ་ཤེས་དོན།། གཉིས་མེད་སྐུ་གསུམ་སོ་སོར
28a5 རྟོག་པའི་ཡེ་ཤེས་སོ།། རིག་པའི་ཡེ་ཤེས་ཐོགས་མེད་བྱ་བ་གྲུབ།། དེ་ལྟར་སོ་སོར་བསྟན་ཡང་གདོས་བཅས་མེད།། མི་གནས་ཡེ་ཤེས་བྱ་བར་བསྟན་པ་ཡིན།། དེ་ལྟར་ཤེས་ཤིང་རང་ལ་རང་རིག་པ།། རིག་པའི་ཡེ
28a6 ཤེས་སུ་ནི་བསྟན་པ་ཡིན།། འབྱེད་པ་མེད་པས་རང་བྱུང་ཡེ་ཤེས་སོ།། དེ་དོན་མི་འདའ་འདའ་ཀ་ཐུགས་ཀྱི་ཡེ་ཤེས་སོ།། གཞི་གནས་ཡེ་ཤེས་དཔེ་ནི་ས་གཞི་ལྟར།། ཆོས་དབྱིངས་ཡེ་ཤེས་དཔེ་ནི་ནམ་མཁའ
iiif viewer powered by OpenSeadragon
