| e-texts navigator |
| Wylie |
27b1 རང་གྲོལ་མཁྱེན་པའི་ཡེ་ཤེས་འཆར།། བུམ་པ་ནང་གི་མར་མེ་གསལ་བ་བཞིན།། འགྱུར་མེད་སྐུ་གསུམ་རང་ས་དུས་དེར་ཟིན།། རབ་ཀྱི་རྫོགས་ལྡན་དགོངས་པ་ཚེ་འདིར་ཆོད།། འབྲིང་གིས་ལྔ་ལྡན་ཡེ་ཤེས་པར་དོར
27b2 ཆོད།། སྐུ་གཉིས་ཆོས་སྐུའི་ཀློང་དུ་རྫོགས་ལྡན་ཆེན་པོ་ཆོད།། སེང་གེ་སྒྲ་ཡི་དགོངས་པ་ཉི་ཟླ་ཁ་སྦྱོར་ལས། སྦྲུལ་སྐུ་རྣམ་པར་བྱེ་བྲག་ཚུལ་བསྟན་པའི་ལེའུ་སྟེ་བཅོ་བརྒྱད་པའོ།། །། ཀྱེ། བཅོམ་ལྡན་ཐུགས
27b3 རྗེ་ཐབས་ཀྱི་བདག། སྐུ་གསུམ་ཡེ་ཤེས་འཆར་ལུགས་གསུང་དུ་གསོལ།། བཀའ་སྩལ་པ། རང་འབྱུང་ཡེ་ཤེས་ཆེན་པོ་འདི།། ཡིན་མིན་དབྱེ་བ་ངས་བཤད་ཀྱིས།། རྡོ་རྗེ་འཛིན་པ་ངེས་པར་ཉོན།། ཡེ་ཤེས་མ་ཡིན
27b4 རང་བྱུང་དེ།། སེམས་ཅན་ཀུན་ལ་ཡོད་མོད་ཀྱང་།། མ་རྟོགས་ཕྱིར་ན་ཡེ་ཤེས་མིན།། མིག་མཁན་མེད་པའི་ལོང་པ་འདྲ།། རང་བྱུང་མེད་པའི་ཡེ་ཤེས་དེས།། གནས་འགྱུར་ཡེ་ཤེས་ལྔ་འདོད་པ།། རྐྱེན་གྱིས་འབྱུང་ཕྱིར
27b5 ཡེ་ཤེས་མིན།། རྒྱུད་ལ་བསེ་རུ་ཟིན་པ་འདྲ།། རང་བྱུང་ཡེ་ཤེས་ཡེ་ནས་ཡིན་པ་ནི།། ཤེས་རབ་ལྷག་མཐོང་རང་བྱུང་ཤར།། ཡེ་ནས་གནས་པའི་རང་བྱུང་དེ།། ལུང་ལྡན་རྐྱེན་གྱིས་རྟོགས་པའི་ཕྱིར།། རང་ཤར་ཡེ་ཤེས
27b6 འཇོམས་པ་ནི།། མར་གྱི་ཡང་ཞུན་ལྟ་བུ་སྟེ།། ཉི་མ་སྦྱིན་དང་བྲལ་བ་འདྲ།། ཡེ་ནི་འོད་གསལ་རང་བཞིན་ལ།། ཤེས་ནི་རིག་པ་འགག་པ་མེད།། ཡེ་ཤེས་དོན་དུ་དེ་བཤད་དོ།། ཡེ་ཤེས་ངོ་བོ་ངེས་ཚིག་དང་།། དབྱེ་བ
iiif viewer powered by OpenSeadragon
