| e-texts navigator |
| Wylie |
26b1 རབ་འགྱུར་བ་མེད་པའི་ཆོས་ཉིད་ལས།། ཐབས་ལ་འགགས་པ་མེད་པའི་ཡེ་ཤེས་གསལ།། གཉིས་མེད་སྐུ་དང་ཡེ་ཤེས་གསལ་བའི་རྟགས་སུ་ཉི་ཟླའི་གདན།། རིག་པའི་ཡེ་ཤེས་རང་རིག་ཁོ་ནར་ཤར་བས་དྲི་མ
26b2 མེད།། དེ་དོན་མཚོན་པ་པདྨའི་གདན།། སྐྱོན་བྲལ་བ་ཡི་དོན་དུ་མཚོན།། ཞེས་གསུངས། སེང་གེ་སྒྲ་ཉི་ཟླ་ཁ་སྦྱོར་ལས། གནས་དང་གདན་གྱི་ཁྱད་པར་གྱི་ལེའུ་སྟེ་བཅུ་བདུན་པའོ།། །། ཀྱེ། བཅོམ་ལྡན་ཐུགས
26b3 རྗེ་ཐབས་ཀྱི་བདག། ལོངས་སྐུ་བཞུགས་རོལ་དེ་ལྟར་ན།། སྤྲུལ་པའི་སྐུ་ཡི་ཞིང་ཁམས་འདིར།། སྟོན་པ་བྱོན་ལུགས་ཇི་ལྟར་ལགས།། བཀའ་སྩལ་པ། རྡོ་རྗེ་འཛིན་པ་ལེགས་པར་ཉོན་ཅིག་ཆོས་སྐུ་འོད་འགྱུར་རྩལ
26b4 གྱི་རོལ་པ་ནི།། ལོངས་སྐུ་ཟེར་འོད་བཞི་བཅུ་རྩ་གཉིས་ཤར།། དེ་ཡི་གསུང་གི་རོལ་པ་ཡི་གེ་དྲུག། འ་ཨ་མ་ཤ་ས་ཧ་དྲུག། དེ་ལས་ང་སོགས་སྦྲུལ་སྐུར་ཤར་བ་ནི།། འདུལ་བྱ་དྲུག་ལ་སོ་སོར་འཚམ་པར་འཆད།། སྟོན
26b5 པ་བྱོན་གཞི་དེ་ལྟར་ན།། འགྲོ་དྲུག་སྐྱེ་བ་མཐུན་པ་རུ།། སྐུ་ཡི་འཁྲུལ་རྟེན་གང་གིས་བགྱིས།། རྟོགས་པའི་ཤེས་རབ་ཇི་ལྟར་སྐྱེས།། ཐུགས་རྗེ་ཡིག་འབྲུ་ཇི་ལྟར་སྤྲོ།། ཞེས་སོ།། ལོངས་སྐུ་ལྗགས་ཀྱི་འཁོར་ལོ
26b6 ལས།། གསུང་གི་ངོ་བོ་ཤེས་རབ་ཡེ་ཤེས་ཤར།། རང་བྱུང་ཀུན་གཞི་ཡི་གེ་མ།། སྐྱེ་མེད་གཞི་ཡང་ཡི་གེ་ཨ།། འགག་མེད་ཡི་གེ་ཧ་དང་འ།། འཛིན་བྱེད་ཡི་གེ་ས་འཕྲོས་ནས།། ཕ་དང་མ་ལ་བརྟེན་པར་བྱ།། བུང་བ་མེ
iiif viewer powered by OpenSeadragon
