| e-texts navigator |
| Wylie |
26a1 སྐུ།། མ་འགགས་རང་བྱུང་གསུང་མི་འགྱུར།། ལྗགས་ཀྱི་པདྨོ་ཡི་གེ་དྲུག་འགྱུར་ལ།། ཐུགས་རྗེ་སྦྲུལ་སྐུ་འཆར་བའི་སྒོ་མ་འགགས།། དེ་ལས་ཤེས་རབ་ཡེ་ཤེས་ཟེར་འཕྲོ་བ།། ཟབས་མ་འགགས
26a2 པ་ཐུགས་རྗེ་སྦྲུལ་སྐུར་གསལ།། སེང་གེ་སྒྲ་ཉི་ཟླ་ཁ་སྦྱོར་ལས། ལོངས་སྐུ་ཚོམ་བུ་འཕྲོ་བའི་ལེའུ་སྟེ་བཅུ་དྲུག་པའོ།། །། ཀྱེ། བཅོམ་ལྡན་ཐུགས་རྗེ་ཐབས་ཀྱི་བདག། གནས་དང་གདན་རྣམས་གསུང་དུ
26a3 གསོལ།། བཀའ་སྩལ་པ། གནས་མེད་གནས་མཆོག་ཆོས་དབྱིངས་རྣམ་དག་ན།། མ་བྲིས་འོད་གསལ་དཀྱིལ་འཁོར་ཡང་དག་གསང་བའི་མཆོག། བཞུགས་ནས་ལྷུན་གྲུབ་མ་ཡི་ཕོ་བྲང་ངོ་།། དེ་ལ་བཞུགས་པ
26a4 གདན་གྱི་ཁྱད་པར་ནི།། རྟགས་དང་ཁྱད་པར་ཆོས་ཉིད་གདན།། རྟགས་ལ་རྣམ་པ་ལྔར་བཤད་པ།། སྐུ་གསུམ་འདུ་འབྲལ་མེད་པའི་རྩལ་རྫོགས་ཏེ།། རྣམ་སྣང་རྩལ་གསུམ་རྫོགས་པ་སེང་གེའི་གདན།། སྐུ་གསུམ
26a5 ཆོས་ཉིད་ངང་དུ་མི་འགྱུར་རྟགས།། མི་བསྐྱོད་གདན་དུ་གླང་ཆེན་མི་བསྐྱོད་ཁྲི།། ཆོས་སྐུ་ཆོས་ཉིད་ངང་ལ་སྐུ་གཉིས་ཐུགས་རྗེ་སྐྱོད་པའི་རྟགས།། རང་བྱུང་ཤུགས་འཆང་སྐྱོད་པ་རྟ་མཆོག་གདན།། སྐུ་གསུམ་འོད
26a6 ལ་ཐུགས་རྗེ་འགྲོ་བའི་དོན་བྱེད་པ།། མཐའ་ཡས་མཛེས་པ་རྨ་བྱ་འོད་ཀྱི་གདན།། སྐུ་གསུམ་རྫུ་འཕྲུལ་སྟོབས་ཀྱིས་འཕྲིན་ལས་ཐོགས་མེད་མཛད།། དོན་གྲུབ་མཁའ་ལྡིང་ཐོགས་མེད་གདན་ལ་བཞུགས་པའོ།། ཤེས
iiif viewer powered by OpenSeadragon
