| e-texts navigator |
| Wylie |
25b1 གཅིག་ཏུ་གསལ།། བཅོམ་ལྡན་རིན་ཆེན་འབྱུང་ལྡན་ལ།། ཀུན་བཟང་ནམ་སྙིང་གཡས་དང་གཡོན།། ཡུམ་ཆེན་མཱ་མ་ཀི་དག་ལ།། མཱ་ལེ་དྷ་པེ་གཡས་དང་གཡོན།། ཚོམ་བུ་དཀྱིལ་འཁོར་གཅིག་ཏུ་གསལ།། བཅོམ
25b2 ལྡན་སྣང་བ་མཐའ་ཡས་ལ།། སྤྱན་རས་འཇམ་དཔལ་གཡས་དང་གཡོན།། ཡུམ་ཆེན་ན་བཟའ་གོས་དཀར་ལ།། ནི་རྟི་ཨཱ་ལོ་གཡས་དང་གཡོན།། ཚོམ་བུ་དཀྱིལ་འཁོར་གཅིག་ཏུ་གསལ།། བཅོམ་ལྡན་དོན་ཡོད་གྲུབ
25b3 པ་ལ།། ཕྱག་རྡོར་སྒྲིབ་སེལ་གཡས་དང་གཡོན།། ཡུམ་ཆེན་དམ་ཚིག་སྒྲོལ་མ་ལ།། གིརྟི་གནྡྷེ་གཡས་དང་གཡོན།། ཚོམ་བུ་དཀྱིལ་འཁོར་གཅིག་ཏུ་གསལ།། ཡབ་རྣམས་ཀུན་ཏུ་བཟང་པོ་ལ།། ཡུམ་རྣམས་ཀུན་ཏུ
25b4 བཟང་མོའི་ངང་།། དེ་ཕྱིར་ཀུན་བཟང་ཚོམ་བུ་གཅིག་ཏུ་གསལ།། ཕྱིན་ཅི་ལོག་བཞི་འདས་པ་ཚད་མེད་སྒོ་བ་བཞི།། ཡོན་ཏན་སྟོབས་མ་འགགས་པ་སུམ་ཅུ་རྩ་དྲུག་ནི།། ཡེ་ཤེས་ལྔ་ལྡན་འོད་ལྔ་ཕོ་བྲང
25b5 བཞུགས།། ལོངས་སྐུ་ལྕགས་ཀྱི་ཟེར་ལ་གསུང་ཤར་བ།། ཡི་གེ་དྲུག་པའི་འཁོར་ལོ་ལས།། ཐུབ་དྲུག་ཐབས་མ་འགགས་པ་བཞི་བཅུ་རྩ་གཉིས་སོ།། མཚན་དང་དཔེ་བྱད་ལྷུན་མཉམ་སྐུ་ལ་རྫོགས།། ཐུགས་རྗེ
25b6 མཛད་སྤྱོད་རྒྱན་དང་རོལ་པར་ཤར།། རྣམ་རྟོག་མི་མངའ་ཐམས་ཅད་ས་ལེ་མཁྱེན།། ཡེ་ཤེས་ལུས་ཅན་ཆོས་ཀྱི་སྤྱན་མངའ་བ།། རྫོགས་པའི་སངས་རྒྱས་དྲུག་པ་རྡོ་རྗེ་འཆང་།། སངས་རྒྱས་འདུས་པ་རེ་ལྔ་ཐིག་ལེ
iiif viewer powered by OpenSeadragon
