| e-texts navigator |
| Wylie |
23b1 སྦུབས་ན་གནས།། རེ་རེ་ལ་ཡང་བཞི་བཞིས་བསྐོར།། ཡེ་ཤེས་ལྔ་རྫོགས་རྩལ་གྱི་མཚན་ཉིད་འཛིན།། གཉིས་མེད་ཡུམ་ལྔ་ལུས་དང་གྲིབ་མ་བཞིན།། རང་བྱུང་རང་སྣང་རང་གིས་མཁྱེན།། རང་སྣང་རྩེ་གཅིག་འབྱེད
23b2 པ་མེད།། སེང་གེ་སྒྲ་ལས། ཆོས་སྐུ་བཞུགས་ཚུལ་བསྟན་པའི་ལེའུ་སྟེ་བཅུ་བཞི་པའོ།། །། ཀྱེ། བཅོམ་ལྡན་ཐུགས་རྗེ་ཐབས་ཀྱི་བདག། ལོངས་སྐུ་བཞུགས་ཚུལ་གསུང་དུ་གསོལ།། བཀའ་སྩལ་པ། སྐུ་གཅིག།
23b3 སྐུ་ལྔར་ཤར་བས་རྣམ་པར་སྣང་མཛད་ལ།། དེ་ལས་འགྱུར་བ་མེད་པས་མི་བསྐྱོད་པ།། ཡོན་ཏན་ཕྱོགས་མེད་རང་བྱུང་རིན་འབྱུང་བྱ།། དྲི་མས་མ་གོས་ཐུགས་རྗེ་འོད་དཔག་མེད།། གང་ལ་ཐོགས་མེད་གྲུབ་པས
23b4 འཕྲིན་ལས་གྲུབ་པའི་སྐུ།། ཤེས་རབ་སྐུ་ལྔའི་རང་བཞིན་ནི།། རིག་པ་གཅིག་གི་ངོ་བོ་ལ།། ཐམས་ཅད་འཆར་བར་སྣང་བས་རྣམ་སྣང་ཆེན་པོ་བྱ།། ཡོན་ཏན་མི་འགག་རིན་འབྱུང་ཆེན་པོ་བྱ།། ཐུགས་རྗེ་སྟོབས་ལྡན
23b5 འོད་དཔག་མེད།། ཤེས་བྱ་ཐོགས་མེད་དོན་གྲུབ་ཆེན་པོ་བྱ།། དེ་དོན་རང་བྱུང་འགྱུར་མེད་མི་སྐྱོད་ཆེ།། འགག་མེད་དབྱེར་མེད་རིག་པ་ཤེས་རབ་ཐུགས་ལྡན་ནོ།། ཡོན་ཏན་ཀུན་བརྒྱན་རབ་ཏུ་ངང་ལ་གཅོད།། རྣམ
23b6 སྣང་ཐུགས་ཀྱི་རང་བཞིན་འཁོར་ལོ་རྩིབས་བརྒྱད་དོ།། སྐུ་ལྔ་ཡེ་ཤེས་ལྔ་ལྡན་མི་འགྱུར་མི་ཕྱེད་པས།། མ་བསྐྱོད་ཐུགས་ཀྱི་རང་བཞིན་རྡོ་རྗེ་རྩེ་ལྔར་གནས།། ངོ་བོ་མི་འགྱུར་རང་བཞིན་མི་འགག་ཡོན་ཏན་རང་ལ
iiif viewer powered by OpenSeadragon
