| e-texts navigator |
| Wylie |
23a1 བུམ་པ་ལྔ།། མ་འགགས་གསལ་བ་མྱུ་གུ་གནས།། ཆོས་དབྱིངས་དག་པ་རིག་པའི་སྐུ།། ཁ་དོག་སྣ་ཚོགས་འབར་བར་བཞུགས།། རྩལ་གྱི་འོད་ཟེར་དག་སྣང་བ།། མཐིང་ཁ་དཀར་སེར་དམར་དང
23a2 ལྗལྡང་།། མ་འདྲེས་གསལ་བའི་ཡེ་ཤེས་རྫོགས།། དེ་ལྔ་ནང་ན་སྐུ་ལྔ་ལྷུན་གྱིས་གྲུབ།། ཕྱོགས་བཞི་དབུས་དང་ལྔར་གནས་པ་སྟེ།། དབུས་ནི་ཀུན་སྣང་ཡེ་ཤེས་ལ།། བཞི་པོ་རྣམ་སྣང་ཀུན་ཏུ་ཞལ།། ཁ་དོག་སྣ་ཚོགས
23a3 འབར་བའི་སྐུ།། ཡེ་ཤེས་སྒོ་ལྔ་ཟང་ཐལ་མ།། སྣང་དུ་ཡོད་ལ་རེག་ཏུ་མེད།། རྟག་ཆད་མཐའ་ལས་འདས་པའི་གཞི།། སྒྲིབ་མེད་གདངས་གསལ་སྤྱན་མངའ་ཞིང་།། ཐོགས་མེད་རང་བྱུང་ཤུགས་ཀྱི་མཛེས།། སྐྱོན་བྲལ
23a4 རྣམ་དག་ལྗགས་དང་ལྡན།། འགག་མེད་རང་དངས་སྙན་གྱིས་བརྒྱན།། སྤྲོས་མེད་རང་གསལ་ཡེ་ཤེས་སྐུ།། ཕྱག་ནི་མཉམ་གཞག་ཞི་བའི་ངང་།། ཁ་དོག་ལྔ་ཡི་བདག་ཉིད་འཛིན།། གདན་གསུམ་ངང་ལ་ཡོངས་སུ
23a5 རྫོགས།། ཐབས་དང་ཤེས་རབ་ཡབ་ཡུམ་ཚུལ།། གདུལ་བྱ་རིགས་ལྔ་སངས་རྒྱས་ཏེ།། དག་ཅིང་གསལ་བའི་མེ་ལོང་ལ།། བྱད་ཀྱི་རྣམ་པ་གསལ་བ་ལྟར།། མཚན་རྫོགས་རྡོ་རྗེ་འཆང་ཆེན་ནི།། མི་བསྐྱོད་རིན་ཆེན
23a6 འབྱུང་ལྡན་དང་།། སྣང་བ་མཐའ་ཡས་དོན་གྲུབ་ཤར།། རང་རང་ཕྱག་མཚན་ཐུགས་ལས་གབ།། དབྱེར་མེད་རྡོ་རྗེ་སྐྱིལ་ཀྲུང་བཞུགས།། ཡེ་ཤེས་ལྔ་ཡི་སྦུབས་ན་གསལ།། རང་རང་སོ་སོའི་ཆོས་ཉིད་ལ།། ལྔ་པ་སོ་སོ
iiif viewer powered by OpenSeadragon
