| e-texts navigator |
| Wylie |
22b1 བ།། ཡུམ་གྱི་རང་བཞིན་ཤེས་རབ་ཡེ་ཤེས་སྤྱན་གྱི་བུམ་པ་ལྔ།། སྣང་བ་དངོས་མེད་ནམ་མཁའ་འཇའ་ཚོན་བཞིན།། དེ་ཡི་ནང་ན་སྐུ་གཅིག་སྐུ་ལྔར་གསལ།། གསལ་ལ་རྟོག་མེད་བུམ་པའི་མར་མེ་འདྲ།། སྐུ་གསུམ
22b2 ནང་གསལ་འདུ་འབྲལ་མེད་པའི་གནས།། རིག་པའི་འོད་གསལ་ཐུགས་ཉིད་ཟང་ཐལ་བས།། སྐུ་གཉིས་ཡུལ་དུ་མི་སྣང་ཡོན་ཏན་རྩལ་མ་འགགས།། འདུ་འབྲལ་མེད་པའི་སྐུ་གསུམ་སྙིང་པོ་ལ།། སྐུ་གཉིས་མི
22b3 འགག་ཡོད་པའི་མེད་པ་སྟེ།། ཆོས་སྐུ་མི་འགྱུར་མེད་པའི་ཡོད་པ་ནི།། འཁར་གཞོང་བཅུད་དང་མེ་ལོང་གཟུགས་བརྙན་བཞིན།། སྣང་ལ་རང་བཞིན་མེད་པས་མཚན་མའི་སྐྱོན་དང་བྲལ།། མི་སྣང་རང་བཞིན་ཡོད་པ
22b4 ཆད་པའི་མཐའ་ལས་འདས།། ཆོས་ཉིད་དག་པའི་སྣང་བ་ལ།། ཀུན་ཏུ་བཟང་པོ་བཟང་མོའི་ངང་།། རང་ལ་ཤེས་རབ་སྐུ་ལྔ་སྣང་།། མཚན་མ་གདོས་བཅས་སྐུ་མ་ཡིན།། ཡེ་ཤེས་རང་སྣང་ཆེན་པོ་ཆོས་ཀྱི་སྐུ།། མཚན
22b5 མ་གཞན་སྣང་རྟོགས་པ་མེད།། ཤེས་རབ་སྐུ་ལྔ་བསྟན་པ་ནི།། རང་ཤར་རང་གསལ་ངོ་བོ་ལ།། ཐམས་ཅད་འཆར་ཞིང་སྣང་བའི་ཕྱིར།། ཀུན་བཟང་སྣང་བ་ཆེན་པོས་བྱ།། རང་ལ་སྐུ་མི་སྣང་བ་ཀུན་བཟང་ཡུམ་གྱི
22b6 ཀློང་ཞེས་བྱ།། ཆོས་སྐུ་དངོས་མེད་ཟང་ཐལ་ལ།། གཞན་སྣང་མེད་པས་གདོས་བཅས་འདས།། རྣམ་དག་ཆོས་དབྱིངས་བཀོད་པ་ཡིས།། ཆོས་ཉིད་སྐུ་གསུམ་དབྱེར་མེད་ཀློང་།། ཡེ་ཤེས་རང་གདངས
iiif viewer powered by OpenSeadragon
