| e-texts navigator |
| Wylie |
22a1 སྐུ་ཐུགས་རྗེ་རྫུ་འཕྲུལ་ལྡན།། སྐུ་གསུམ་འདས་ལུགས་བསྟན་པ་ནི།། ཆོས་སྐུ་མཐའ་རྣམས་ཀུན་ལས་འདས།། ལོངས་སྐུ་གཟུང་འཛིན་འཁོར་བ་འདས།། སྦྲུལ་སྐུ་ཤེས་རབ་ཐབས་ལྡན་པ།། འཁོར
22a2 འདས་གཉིས་ཀྱི་མཐའ་ལས་འདས།། སྐུ་གསུམ་རྒྱས་པ་བསྟན་པ་ནི།། ཆོས་སྐུ་མཚན་མ་གཉིས་སྣང་སངས།། རང་རིག་གསལ་བ་གཉིས་མེད་ཡེ་ཤེས་རྒྱས།། ལོངས་སྐུ་འཁོར་བའི་ཆོས་ཅན་སངས།། ཐམས་ཅད
22a3 མཁྱེན་པའི་ཆེ་བའི་ཡེ་ཤེས་ཡོན་ཏན་རྒྱས།། སྦྲུལ་སྐུ་མ་རིག་འཁོར་བར་རང་རྒྱུད་སངས།། ཤེས་རབ་ཐབས་དང་ཐུགས་རྗེ་རྒྱས།། སྐུ་གསུམ་དྲི་མ་དག་ལུགས་ནི།། ཆོས་སྐུ་ངོ་བོ་དྲི་མ་དག། ལོངས་སྐུ་རེག་བྱ་དྲི་མ
22a4 རྣམ་པར་དག། སྦྲུལ་སྐུ་ཉོན་མོངས་དྲི་མ་རྣམ་པར་དག། ཅེས་སེང་གེ་སྒྲ་དགོངས་པ་ཉི་ཟླ་ཁ་སྦྱོར་རྒྱུད་ལས། འབྲས་བུ་སྐུ་གསུམ་བཤད་པ་དང་གཞི་འབྲས་ཁྱད་པར་ལེའུ་སྟེ་བཅུ་གསུམ་པའོ།། ། ཀྱེ་ཀྱེ་བཅོམ
22a5 ལྡན་ཐུགས་རྗེ་ཐབས་ཀྱི་བདག། སྐུ་གསུམ་ཚོམ་བུ་བཞུགས་ལུགས་བཤད་དུ་གསོལ། བཀའ་སྩལ་པ། ཆོས་སྐུ་གཞི་སྣང་ཆེན་པོ་ནི།། ཆོས་ཉིད་འོད་གསལ་ཡེ་ཤེས་སྐུ།། དེ་ཉིད་ཕྱི་ནང་མེད་པར་གསལ།། རིག་པ་ཕྱི
22a6 ནང་མེད་པར་ཁྱབ།། བདལ་བ་ཕྱོགས་རིས་མེད་པར་ཤར།། གཉིས་མེད་ཆོས་ཉིད་རྡོ་རྗེའི་སྐུ།། རང་གསལ་འཛིན་མེད་ཐུགས་རིག་པ།། དེ་ལ་མཁྱེན་པ་མ་འགགས་པ།། རང་རིག་ཆོས་ཉིད་ཡེ་ཤེས་གདངས་ཤར
iiif viewer powered by OpenSeadragon
