| e-texts navigator |
| Wylie |
21b1 ཡེ་ཤེས་ཆོས་འཆད་དོ།། ལོངས་སྐུ་སྤྲུལ་པའི་སྐུ་ལ་བརྡ་ཡིས་སྟོན།། སྤྲུལ་པ་འགྲོ་བའི་དོན་ཕྱིར་བརྡ་དང་ཚིག་གིས་སྟོན།། དེ་ཡི་ཕྱིར་ན་སྐུ་གསུམ་སྟོན་པ་ཞེས་སུ་བྱ།། རང་རིག་རྟོགས་པའི་ཤེས་རབ་ཀྱིས།། ལོག
21b2 པར་རྟོགས་པའི་བདུད་བཅོམ་སྟེ།། མཁྱེན་པའི་ཡེ་ཤེས་སྟོབས་ལྡན་པས།། བཟུང་འཛིན་མཐའ་ལས་འདས་པ་ནི།། བཅོམ་ལྡན་འདས་ཞེས་བཤད་པ་ཡིན།། མཁྱེན་རྟོགས་བདག་གིས་དཔལ་དང་དོན་སྟོན་གཞན
21b3 གྱི་དཔལ།། ཀུན་ཏུ་དོན་བྱེད་ཀུན་ཏུ་བཟང་པོས་བྱ།། འགྲོ་བའི་མུན་སེལ་སྒྲོན་མས་བྱ།། རང་བྱུང་ཡེ་ཤེས་སྐྱེ་འགག་མེད་པས་འཆི་བདག་བདུད་ཀྱང་བཅོམ།། རང་བྱུང་ཡེ་ཤེས་མཚན་མ་མེད་པས་ཕུང་པོའི་བདུད
21b4 ཀྱང་བཅོམ།། རང་བྱུང་ཡེ་ཤེས་གཉིས་སུ་མེད་པས་ཉོན་མོངས་བདུད་ཀྱང་བཅོམ།། སྐུ་གསུམ་ཡེ་ཤེས་གཟུང་འཛིན་བྲལ།། བྲལ་བས་ལྷ་ཡི་བུ་ཡི་བདུད་ཀྱང་བཅོམ།། ལོངས་སྐུ་འཇའ་ཚོན་སྐུ་ལྔ་གདོས་བཅས་མེད
21b5 པས་ཕུང་པོའི་བདུད་ཀྱང་བཅོམ།། གཟུང་འཛིན་སྐྱོན་བྲལ་ཉོན་མོངས་བདུད་ཀྱང་བཅོམ།། ཡེ་ཤེས་ལུས་ལ་སྐྱེ་ཤི་མེད་པས་འཆི་བདག་བཅོམ།། འོད་གསལ་རང་བྱུང་ལྷ་ཡི་བུ་ཡི་བདུད་ཀྱང་བཅོམ།། སྐུ་གསུམ་ལྡན
21b6 ལུགས་བསྟན་པ་ནི།། ཆོས་སྐུ་ཡོན་ཏན་སྒོ་ཡངས་པས།། ཡེ་ཤེས་ལྔ་དང་སྐུ་གཉིས་ལྡན།། ལོངས་སྐུ་མཚན་དང་དཔེ་བྱད་ལྡན།། དགོངས་པ་འོད་གསལ་ཡེ་ཤེས་ལྡན།། མངོན་པར་ཤེས་པའི་ཆོས་དྲུག་ལྡན།། སྤྲུལ
iiif viewer powered by OpenSeadragon
