| e-texts navigator |
| Wylie |
21a1 དག་རྡོ་རྗེ་ལྟ་བུའི་སྐུ།། རིག་པ་རང་ཤར་ཟང་ཐལ་ཡེ་ཤེས་ཀློང་།། རང་བཞིན་གཞི་གནས་ཡེ་ཤེས་ཆེན་པོ་ལ།། མཚན་ཉིད་འཛིན་པའི་ཡེ་ཤེས་རྣམ་པ་ལྔ།། མི་འགག་སོ་སོར་དང་ལ་འོད་དུ
21a2 གསལ།། དེ་ཡི་ཀློང་ན་སྙིང་པོ་སྐུ་ལྔ་ཕྱག་རྒྱ་འགག་མེད་གསལ།། ངོ་བོ་ཆོས་སྐུ་གསུང་ཐུགས་རང་བཞིན་ལོངས་སྤྱོད་སྐུ།། ཐུགས་རྗེ་སྦྲུལ་སྐུ་ཐམས་ཅད་འབྱུང་བ་བཞི་མ་འགགས།། བཞི་ལ་གནས་པའི་སྐུ་གསུམ་ཡེ
21a3 ཤེས་ཞེས་སུ་བྱ།། རྒྱུ་ཉིད་དག་པ་ཆོས་སྐུ་འབྲས་བུ་གཟུགས་སྐུ་གཉིས།། རང་གསལ་རྩལ་དུ་གྲུབ་སྟེ་གཞི་གནས་སྐུ་གསུམ་མོ།། སེང་གེ་སྒྲ་ཉི་ཟླ་ཁ་སྦྱོར་ལས།། སྐུ་གསུམ་རང་བཞིན་བཞིའི་ལེའུ་སྟེ་བཅུ་གཉིས
21a4 པའོ།། །། ཀྱེ། བཅོམ་ལྡན་ཐུགས་རྗེ་ཐབས་ཀྱི་བདག། གཞི་སྐུ་གསུམ་སངས་རྒྱས་ལས། འབྲས་བུ་བཤད་དུ་གསོལ། བཀའ་སྩལ་པ། གཞི་སྐུ་གསུམ་ཡེ་སངས་རྒྱས་པ་ལས།། ཀུན་བཟང་རྟོགས་པའི
21a5 སངས་རྒྱས་ནི།། གཉིས་ལས་མ་འདྲེས་གཅིག་ལས་མི་འབྱེད་པས།། མ་འདྲེས་རྫོགས་པ་ཡེ་ཤེས་རང་ཤར་བས།། བདེ་ཆེན་དབྱིངས་སུ་མངོན་པར་སངས་ཡང་རྒྱས།། སངས་རྒྱས་ངོ་བོ་ངེས་ཚིག་དང་།། དབྱེ་བ
21a6 མཚན་ཉིད་རྣམ་གྲངས་བསྟན།། སངས་རྒྱས་ངོ་བོ་དྲི་མེད་ཡེ་ཤེས་ལ།། ངེས་ཚིག་ཉོན་མོངས་སྡུག་བསྔལ་དྲི་དག་ཡེ་ཤེས་རྒྱས།། དབྱེ་བ་ལྷུན་གྲུབ་སངས་རྒྱས་རྟོགས་པ་མངོན་སངས་རྒྱས།། ཐུགས་ཀྱི་དགོངས་པས
iiif viewer powered by OpenSeadragon
