| e-texts navigator |
| Wylie |
20b1 རིགས་ལྔ་སངས་རྒྱས་ལ།། ལོངས་སྐུའི་སྦྲུལ་སྐུ་སེམས་དཔའ་སེམས་མའོ།། དེ་རྣམས་མཚན་ཉིད་བྱེ་བྲག་བཤད་པ་ནི།། འབྲས་བུ་མངོན་དུ་གསལ་བའི་དུས་ཞེས་བྱ།། སྦྲུལ་སྐུའི་ཆོས་སྐུ་རྡོ་རྗེ་སེམས་དཔའ་ལ།།
20b2 སེམས་དཔའ་སེམས་མ་ལོངས་སྐུར་བཤད་པ་ནི།། ཟེར་གྱི་ཐུགས་རྗེ་སྤྲུལ་པ་ཞེས་སུ་བྱ།། དེ་རྣམས་ཐུགས་རྗེ་འབྱུང་བའི་སྐུ་གསུམ་ཞེས་སུ་བཤད།། རྡོ་རྗེ་སེམས་དཔའ་ཐུགས་ལས་ཐུབ་དྲུག་སྤྲོས།། ཐུབ་དྲུག་སྤྲུལ
20b3 སྐུ་བྱེ་བ་མཆེད་པ་ནི།། འགྲོ་བ་འདུལ་བའི་སྐུ་གསུམ་ཞེས་སུ་བཤད།། ཀྱེ་ཀྱེ་གསང་བདག་ངེས་པར་བཤད་ཀྱིས་ཟུངས།། ང་ནི་རྡོ་རྗེ་སེམས་དཔའ་ཆོས་ཀྱི་སྐུ།། ང་ཡི་དབུ་ཡི་ཐོར་ཚུགས་དང་།། མཛོད་སྦུ་བུ་ག
20b4 ཤངས་ཀྱི་རླུང་སྒོམ་ནས།། དེ་རྣམས་འབྱུང་བའི་འཇམ་དཔལ་དྲི་མེད་དང་།། སེང་གེ་སྒྲ་དང་སེམས་དཔའ་སྙིང་པོ་ལ་སོགས་པ།། སྤྲུལ་པའི་ལོངས་སྐུ་ཡིན་པར་ངས་བཤད་དོ།། ཐུབ་དྲུག་དགའ་རབ་རྡོ་རྗེ་ལ་སོགས
20b5 པ།། སྤྲུལ་པའི་སྤྲུལ་པ་ཡིན་ཞེས་བྱ།། སེང་གེ་སྒྲ་དགོངས་པ་ཉི་ཟླ་ཁ་སྦྱོར་ལས།། སྦྲུལ་སྐུ་གསུམ་གྱི་དབྱེ་བའི་ལེའུ་སྟེ་བཅུ་གཅིག་པའོ།། །། ཀྱེ། བཅོམ་ལྡན་ཐུགས་རྗེ་ཐབས་ཀྱི་བདག། སྐུ་གསུམ་རང
20b6 བཞིན་གསུང་དུ་གསོལ།། བཀའ་སྩལ་པ། སྐུ་གསུམ་རང་བྱུང་ངོ་བོ་མ་བྱས་པ།། མ་བཅོས་མ་བསླད་མི་འགྱུར་བ།། རང་བཞིན་རྣམ་དག་འདུས་མ་བྱས།། ཡེ་ཤེས་འོད་གསལ་ནམ་མཁའ་ལྟ་བུ་ལ།། ཆོས་ཉིད་རྣམ
iiif viewer powered by OpenSeadragon
