| e-texts navigator |
| Wylie |
18b1 ཤར།། རྟོགས་པས་སྐལ་ལྡན་ལོངས་སྐུ་ངོ་བོར་གྲོལ།། ཐུགས་རྗེ་འོད་ཟེར་འགྲོ་དོན་སྦྲུལ་སྐུ་འགྱེད།། ཅེས་སེང་གེ་སྒྲའི་དགོངས་པ་ཉི་ཟླ་ཁ་སྦྱོར་ལས། སེམས་ཅན་སྦུབས་ནས་ལོངས་སྐུ་འོད་ཀྱི་སྦུབས་སུ་གྲོལ
18b2 བའི་ལེའུ་སྟེ་བདུན་པའོ།། །། ཀྱེ་ཀྱེ་བཅོམ་ལྡན་ཐུགས་རྗེའི་བདག། ལོངས་སྐུའི་ཞིང་ཁམས་སྤྲུལ་པའི་སྐུ།། སྐུ་གཉིས་ཆོས་སྐུའི་ཀློང་དུ་ཇི་ལྟར་གྲོལ།། ཞེས་པ་བཀའ་སྩལ་པ། དབྱིངས་ལས་རིག་པ་ཡེ་ཤེས་རང
18b3 བྱུང་བ།། ཡེ་ཤེས་རྫོགས་སྐུ་གསུམ་སྤྲུལ་པའི་སྐུ།། ཆོས་སྐུ་ལོངས་སྐུ་རྩལ་སྣང་ཡེ་ཤེས་རྒྱན།། འགྲོ་བའི་དོན་མཛད་གསལ་བྱེད་ཀུན་གྲོལ་ཁྱབ།། མི་འགྱུར་ཡེ་ཤེས་རླུང་གིས་ཤེས་རབ་མཁའ་ལ
18b4 བཏེག། ཤེས་རབ་སྤྱན་གསུམ་རང་བཞིན་རྣམ་པར་དག། རང་རིག་ཡེ་ཤེས་ཡིན་ལ་བག་ཆགས་ལུས་ཀྱི་རྟོག་པ་མེད།། སེང་གེ་སྒྲ་ལས། ཡེ་ཤེས་དབྱིངས་སུ་སྤྲུལ་པ་སྐུ་དག་པའི་ལེའུ་སྟེ་བརྒྱད་པའོ།། །། ཀྱེ
18b5 ཀྱེ་བཅོམ་ལྡན་ཐུགས་རྗེའི་བདག། གཟིགས་པའི་སྤྱན་གསུམ་སྒྲིབ་མེད་ཇི་ལྟར་གྲོལ།། ཞུས་པ། བཀའ་སྩལ་པ། སྦུབས་གསུམ་ཡུལ་དུ་ཇི་ལྟར། མ་རྟོགས་འཁྲུལ་པའི་སྣང་བ་ནི།། སྙིགས་མ་བྱུང་བ་ངོ་བོས
18b6 སྟོང་།། ད་ངས་མ་ལྔ་ཉིད་འོད་གསལ་སྟོང་།། རང་ལ་སྣང་ཞིང་རང་བཞིན་མེད།། རང་སྣང་རྣམ་དག་ཤེས་རབ་སྤྱན་གྱི་ངང་དུ་གྲོལ།། བག་ཆགས་སྦུབས་ན་བཞི་བཅུ་རྩ་འོད་གསལ་བ།། སྟོང་ཞིང་བདག་མེད་བུམ
iiif viewer powered by OpenSeadragon
