| e-texts navigator |
| Wylie |
180b1 རྗེ་སེམས་དཔའ་ལ།། དང་པོ་རྟགས་ནི་འདི་རྣམས་འབྱུང་བ་སྟེ། འཁོར་བའི་ཆོས་ལ་སྐྱོ་སེམས་སྐྱེ་བ་འབྱུང་།། སེམས་ཅན་རྣམས་ལ་སྙིང་རྗེ་སྐྱེ་བ་དང་། རང་གི་ཡུལ་དང་གནས་ལ་མི་ཆགས་ཤིང་།། ཐག་རིང
180b2 གཞན་དུ་འགྲོ་བར་འདོད་པ་འབྱུང་།། གཉིས་པ་ལ་ཡང་རྟགས་རྣམས་འབྱུང་བ་ཡང་།། གོས་དང་ཟས་ཀྱི་འདུ་ཤེས་ཆུང་བ་དང་། ཉོན་མོངས་ལ་སོགས་ཆགས་སྡང་ཆུང་བ་དང་།། སྙིང་རྗེ་ཕན་སེམས་རབ་ཏུ་ཆེ་བ
180b3 དང་།། རྨི་ལམ་རྟགས་ནི་མང་དུ་འབྱུང་བ་སྟེ།། གསུམ་པ་ལ་ཡང་འདི་ལྟར་འབྱུང་བ་ཡིན།། ཡོ་བྱད་ལོངས་སྤྱོད་ཐམས་ཅད་འགོག་པ་དང་།། དགེ་མི་དགེ་ལ་རྣམ་པར་རྟོག་པ་མེད།། ཉོན་མོངས་སྒྲིབ་པ་རྣམ་པར་དགེ
180b4 བ་དང་།། རྨི་ལམ་རྟགས་རྣམས་སྣ་ཚོགས་འབྱུང་བ་དང་།། རང་རྟགས་མངོན་ཤེས་ཆོ་འཕྲུལ་སྣ་ཚོགས་འབྱུང་།། དབང་པོ་རབ་འབྲིང་མ་རྩལ་གྱི་འབྱུང་།། བྱུང་ཡང་རང་བྱུང་རྩལ་སྣང་བྱུང་བ་ཡིན།། རེ་དང་དོགས
180b5 པ་ཀུན་སྤངས་ཆོས་ཉིད་དང་།། དེ་དག་ཆོས་ཉིད་དང་དུ་སྤྱད་བྱའོ།། རིན་པོ་ཆེ་རྒྱས་པ་ཆེན་པོའི་མདོ་ལས། རྟགས་དང་ཆོ་འཕྲུལ་འབྱུང་བའི་ལེའུ་སྟེ་དྲུག་པའོ།། །། སྡུད་པའི་གསང་བདག་རྡོ་རྗེ་སེམས་དཔའ
180b6 ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། རང་བཞིན་དོན་མཚོན་བརྡ་ཡིས་བསྟན་པ་འདི།། སུ་ལ་བསྟན་ཅིང་གཏད་པ་ཇི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ་ཡིས།། སྡུད་པའི་གསང་བདག་རྡོ་རྗེ་སེམས
iiif viewer powered by OpenSeadragon
