| e-texts navigator |
| Wylie |
180a1 སུམ་ཚོགས་པའོ།། བཞི་མེད་བཞི་རུ་ཆོས་རྣམས་འདུས་པ་ཡང་།། ཆོས་ཀྱི་སྐུ་དང་རང་བྱུང་ཡེ་ཤེས་དང་།། སེམས་དང་བག་ཆགས་བཞི་རུ་འདུས་པའོ།། ལྔ་མེད་ལྔ་རུ་ཆོས་ཀུན་འདུས་པ་ཡང་།། རང
180a2 བཞིན་ངོ་བོ་ལྔ་རུ་འདུས་པའི་ཕྱིར།། རིགས་ལྔ་ལྔ་རུ་ཆོས་རྣམས་འདུས་པའོ།། རང་བྱུང་ཡེ་ཤེས་ཡན་ལག་བྱིན་རླབས་ལས།། དངོས་པོ་འཁོར་བར་སྣང་བའི་འབྲས་བུ་དང་།། མཚན་མ་ཐེག་པར་སྣང་བའི་འབྲས་བུ
180a3 དང་།། རང་ལ་ཡེ་ཤེས་ཅི་ཡིས་འཆར་བ་ནི།། འཁྲུལ་པའི་ཆོས་སུ་སྣང་བ་ཐམས་ཅད་ཀུན།། འཁྲུལ་པའི་རྩ་གཅད་རྩ་བ་ཆོད་པ་ཡིས།། རང་བྱུང་ཡེ་ཤེས་རང་རིག་གྲངས་མེད་དང་།། རང་ལ་ཡེ་ཤེས་རིག་པ་གྲངས
180a4 མེད་སྐྱེ།། སྐྱེས་པའི་བྱིན་རླབས་འབྲས་བུ་ནི།། ཆོས་རྣམས་མ་བསགས་ཐུགས་སུ་ཆུད་པ་དང་།། ཆོས་རྣམས་མ་མཉན་སྟོན་པ་འབྱུང་བ་དང་།། མ་བསྒོམས་པ་རུ་ཡེ་སངས་རྒྱས་ཤེས་པས།། སྔོན་མ་མཐོང་བའི་ཆོས
180a5 སྐུ་འབྲས་བུ་མཐོང་།། མཐོང་བའི་བྱིན་རླབས་འབྲས་བུ་སངས་རྒྱས་པའོ།། རིན་པོ་ཆེ་རྒྱས་པ་ཆེན་པོའི་མདོ་ལས། བྱིན་རླབས་ཀྱི་འབྲས་བུ་འབྱུང་བའི་ལེའུ་སྟེ་ལྔ་པའོ།། །། སྡུད་པའི་གསང་བདག་རྡོ་རྗེ་སེམས
180a6 དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། འཁྲུལ་པའི་རྩ་གཅད་རྩ་ཆོད་དོན་མཐོང་ན།། རྟགས་དང་མངོན་ཤེས་འབྱུང་བ་ཇི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ་ཡིས།། སྡུད་པའི་གསང་བདག་རྡོ།
iiif viewer powered by OpenSeadragon
