| e-texts navigator |
| Wylie |
17a1 དོན་མཛད།། དེ་ནས་བྱ་བྲལ་དབྱིངས་སུ་སྐྱེལ།། ཞེས་སེང་གེ་སྒྲ་སྒྲོགས་པ་ཉི་ཟླ་ཁ་སྦྱོར་ལས། ལོངས་སྐུར་གྲོལ་བའི་ལེའུ་སྟེ་གསུམ་པའོ།། །། ཀྱེ་ཀྱེ་བཅོམ་ལྡན་ཐུགས་རྗེའི་བདག། ཐུགས
17a2 རྗེ་སྦྲུལ་སྐུའི་སྣང་བ་ཇི་ལྟར་འབྱུང་།། སྤྲུལ་པ་སྐུ་ཉིད་ཐུགས་རྗེར་ཇི་ལྟར་ཤར།། བཀའ་སྩལ་པ། ཡེ་ཤེས་ལྔ་ཡི་མཚན་ཉིད་ལས།། འབྱུང་བའི་དྲངས་མ་འོད་དུ་གསལ།། དེ་ལ་སྣོད་དུ་རྟོག་པ་བརྟས།། སྙིགས་མ
17a3 འབྱུང་བ་ཞེས་བྱའོ།། མཁའ་ལ་རླུང་བརྟེན་དེ་ལ་ཆུ་བརྟེན་ནས།། དེ་ལ་ས་བརྟེན་འགྲོ་བ་བརྟེན་པ་ནི།། མ་རིག་སྲིད་པའི་སྒོ་ང་ལས་བྱུང་བ།། རྐྱེན་རྣམས་ཚོགས་ནས་འགྲོ་དྲུག་ལས་ཀྱིས་འཁོར།། སྣ་ཚོགས
17a4 གཟུགས་ཅན་ཡིད་ལས་བྱུང་།། འཁྲུལ་ཡང་ཆོས་སྐུའི་ཁྱབ་བད་ལ་རང་བྱུང་ལྷུན་གྲུབ་པ།། སྐུ་གསུམ་འོད་གསལ་མ་འདྲེས་རིག་པ་རང་རང་ཤར།། སྦྲུལ་སྐུའི་ཞིང་ཁམས་མ་འདྲེས་སོ་སོར་གསལ།། སྐུ
17a5 གསུམ་ཐུགས་རྗེ་འགྲོ་བ་དོན་མཛད་པ།། དཔལ་ལྡན་སངས་རྒྱས་པདྨ་སྐྱེས།། སྤྲུལ་པའི་འཁོར་ལོ་ཡི་གེ་དྲུག་ལས་ཤར།། འགྲོ་དྲུག་དོན་དུ་ཐུབ་དྲུག་ཐ་དད་མཛེས།། རྣམ་གྲོལ་གསུམ་ལ་མཁས་པའི་ཆོས་ཀྱང
17a6 སྟོན།། སྐྱེ་མེད་དོན་ཕྱིར་ཆོས་ཉིད་སྣ་ཚོགས་བསྟན།། སངས་རྒྱས་སྤྲུལ་པས་སེམས་ཅན་ཀུན་དོན་མཛད།། སེམས་ཅན་ཐམས་ཅད་རྣམ་གྲོལ་བྱེད།། དེ་ནས་ཐུགས་རྗེ་དབྱིངས་སུ་སྡུད།། རྒྱ་མཚོ་ཆུ་བྲན་སྡུད
iiif viewer powered by OpenSeadragon
