| e-texts navigator |
| Wylie |
179b1 གཉིས་སུ་འདུས་པའོ།། ནམ་མཁའི་རང་བཞིན་ཀུན་ཁྱབ་མིང་མེད་འདི།། མིང་གསུམ་མེད་པའི་མིང་གསུམ་བཏགས་པ་སྟེ།། མིང་གསུམ་བཏགས་པའི་མིང་ལ་གསུམ་འདུས་པ།། ཆོས་སྐུ་རང་བྱུང་ཡེ་ཤེས་དབྱེར
179b2 མེད་གསུམ།། ལྷུན་གྲུབ་ཐམས་ཅད་ལྟ་བ་ཡིན་པར་འདུས།། འཁྲུལ་སྣང་ཐམས་ཅད་སྤྱོད་པ་ཡིན་པར་འདུས།། གཉིས་མེད་ཐམས་ཅད་སྒོམ་པ་ཡིན་པར་འདུས།། ཡི་གེ་མེད་པའི་རྒྱུ་དང་རྟེན་མེད་ལུང་།། ངེས་པ
179b3 མེད་པའི་མན་ངག་གསུམ་དུ་འདུས།། ཆོས་སྐུ་མཚན་ཉིད་ཡོངས་རྫོགས་རྣམ་དག་ཡོངས་རྫོགས་དང་།། རྣམ་རྟོག་ཡོངས་རྫོགས་རྫོགས་པ་གསུམ་དུ་འདུས།། རྒྱུ་དང་ལམ་དང་འབྲས་བུ་གསུམ་དུ་འདུས།། སངས
179b4 རྒྱས་ཆོས་དང་དགེ་འདུན་གསུམ་དུ་འདུས།། ཆོས་སྐུ་ཡེ་ཤེས་སེམས་དང་གསུམ་དུ་འདུས།། ལྟ་སྒོམ་སྤྱོད་གསུམ་སྒོམ་ཐུགས་གསུམ་དུ་འདུས།། ལྟ་བ་ཆོས་སྐུ་སྒོམ་པ་ལོངས་སྐུ་དང་།། སྤྱོད་པ་སྤྲུལ་པའི་སྐུ་སྟེ་གསུམ
179b5 དུ་འདུས།། ལྟ་བ་ཤེས་པ་རབ་སྟེ་སྤྱོད་པ་ཐབས།། སྒོམ་པ་གཉིས་མེད་གསུམ་དུ་འདུས།། ལྟ་བ་ཞི་གནས་སྤྱོད་པ་ལྷག་མཐོང་དང་། སྒོམ་པ་ཟུང་དུ་འབྲེལ་པ་གསུམ་དུ་འདུས།། ལྟ་བ་ཀུན་ཏུ་བཟང་མོ་སྤྱོད་པ་ཀུན
179b6 ཏུ་བཟང་པོ་གཉིས།། སྒོམ་པ་གཉིས་མེད་ཡིན་པ་གསུམ་དུ་འདུས།། ལྟ་བ་བཀའ་ལ་སྤྱོད་པ་བསྟན་བཅོས་དང་།། སྒོམ་པ་མན་ངག་གསུམ་དུ་འདུས།། ལྟ་བ་སྟོན་པ་སྤྱོད་པ་བསྟན་པ་དང་།། སྒོམ་པ་སྡུད་པ་ཕུན
iiif viewer powered by OpenSeadragon
