| e-texts navigator |
| Wylie |
179a1 ཡང་རླུང་དང་།། ཡེ་ཤེས་མ་འགགས་མ་བསྐྱོད་ཡང་རླུང་གཉིས།། གཅིག་དང་ཐ་དད་དག་ལས་གྲོལ་བའི་རླུང་།། ཆོས་སྐུ་དབྱེར་མེད་སྟོང་པ་ནམ་ཉིད་དང་།། ཡེ་ཤེས་མི་འབྱེད་སྟོང་པ་མཁའ་ཉིད
179a2 གཉིས།། གཅིག་དང་ཐ་དད་དག་ལས་གྲོལ་བ་ནམ་མཁའ་འོ།། རིན་པོ་ཆེ་རྒྱས་པ་ཆེན་པོའི་མདོ་ལས། འབྱུང་བ་ལྔ་ལ་ཆོས་སྐུ་ཡེ་ཤེས་དང་དབྱེར་མེད་པའི་མིང་བཏགས་པའི་ལེའུ་སྟེ་བཞི་པའོ།། །། སྡུད་པའི
179a3 གསང་བདག་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། ཆོས་རྣམས་ཐམས་ཅད་བསྡུན་དུ་རུ་འདུས།། ཡན་ལག་རྩལ་གྱི་བྱིན་རླབས་འབྲས་བུ་དང་།། རང་ལ་ཡེ་ཤེས་ཅི་ཡི་འཆར་བ
179a4 དང་།། ཤར་ནས་བྱིན་རླབས་འབྲས་བུ་ཇི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ་ཡིས།། སྡུད་པའི་གསང་བདག་རྡོ་རྗེ་སེམས་དཔའ་ལ།། བྱང་ཆུབ་སེམས་ཀྱི་ཀུན་གཞི་ལྷུན་གྲུབ་འདི།། ཀུན་ལ་ཁྱབ་ཀྱང་ཐིག་ལེ
179a5 གཅིག་པའི་ཕྱིར།། ཆོས་རྣམས་ཐམས་ཅད་གཉིས་སུ་འདུས།། གཉིས་འདུས་གཉིས་ཀྱི་མིང་བཏགས་སྣང་བ་ནི།། རང་བྱུང་སྙིང་པོ་ཡན་ལག་སྙིང་པོ་གཉིས།། འཁོར་བའི་ཆོས་དང་མྱ་ངན་འདས་ཆོས་གཉིས།། མ
179a6 འདྲེས་པ་དང་ཡོངས་སུ་རྫོགས་པ་གཉིས།། འཁྲུལ་པར་སྣང་དང་མ་འཁྲུལ་སྣང་བ་གཉིས།། དངོས་དབང་བསམ་དབང་གཉིས་དང་སྣོད་བཅུད་གཉིས།། ཕྱི་ནང་གཟུང་འཛིན་གཉིས་སུ་སྣང་བ་ལ།། མིང་བཏགས
iiif viewer powered by OpenSeadragon
