| e-texts navigator |
| Wylie |
178a1 གསལ་ཐོབ་མེད་པ་དང་།། རང་བྱུང་ཡེ་ཤེས་རང་གསལ་མ་ཐོབ་གཉིས།། གཅིག་དང་ཐ་དད་དག་ལས་གྲོལ་བའོ།། ཐོབ་མེད་མ་ཐོབ་དབྱེར་མེད་འབྲས་བུ་ཐོབ།། རྩལ་གྱི་མིང་བཏགས་ལ་ཡང་རྣམ
178a2 གཉིས་ཏེ།། ཡན་ལག་སྙིང་པོ་ཉིད་ལ་མིང་བཏགས་དང་།། ཐེག་དམན་སོ་སོ་རྣམས་ཀྱི་མིང་བཏགས་པའོ།། ཡན་ལག་སྙིང་པོ་ཉིད་ལ་མིང་བཏགས་གསུམ།། ཡན་ལག་ཆོས་ཀྱི་སྐུ་ལ་མིང་བཏགས་པ།། རིག་མེད
178a3 སྤྲོས་གསལ་སྤྲོས་པ་མེད་པ་ལྟ།། རིག་མེད་རང་གསལ་སྐྱེ་བ་མེད་པ་སྤྱོད།། རིག་མེད་རང་གསལ་རྟོག་པ་མེད་པ་སྒོམ།། རིག་མེད་རང་གསལ་འབྲས་བུ་ཆོས་སྐུ་ཐོབ།། ཡན་ལག་རང་བྱུང་ཡེ་ཤེས་མིང་བཏགས
178a4 པ།། ཡེ་ཤེས་རང་གསལ་རང་རིག་མ་སྤྲོས་ལྷ།། ཡེ་ཤེས་རང་གསལ་རང་རིག་མ་སྐྱེས་སྤྱོད།། ཡེ་ཤེས་རང་གསལ་རང་རིག་མི་ཡེངས་སྒོམ།། ཡེ་ཤེས་རང་གསལ་རང་རིག་འབྲས་བུ་ཐོབ།། སྤྲོས་མེད་མ་སྤྲོས་གཉིས
178a5 སུ་མེད་པ་ལྟ།། སྐྱེ་མེད་མ་སྐྱེས་གཉིས་སུ་མེད་པ་སྤྱོད།། རྟོག་མེད་མི་རྟོག་གཉིས་སུ་མེད་པ་སྒོམ།། ཆོས་སྐུ་ཡེ་ཤེས་གཉིས་སུ་མེད་པ་ཐོབ།། སོ་སོར་མིང་བཏགས་བྱེ་བྲག་གཅིག་གི་ངང་།། ཐེག་དམན་རྣམས་ཀྱི་སོ།
178a6 སོར་མིང་བཏགས་པ།། ལྟ་སྤྱོད་སྒོམ་དང་འབྲས་བུ་སོ་སོ་ཡི།། སོ་སོ་རང་རང་རྟོགས་པའི་མིང་བཏགས་པའོ།། རིན་པོ་ཆེ་རྒྱས་པ་ཆེན་པོའི་མདོ་ལས། ཁྱད་པར་ལྟ་སྤྱོད་སྒོམ་པའི་མིང་བཏགས་པའི་ལེའུ་སྟེ་གསུམ
iiif viewer powered by OpenSeadragon
