| e-texts navigator |
| Wylie |
176a1 པོའོ།། །། སྡུད་པའི་གསང་བདག་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། ལྟ་སྤྱོད་སྒོམ་པའི་འབྲས་བུ་དབྱེར་མེད་པའི།། སྤྱི་ཡི་མིང་བཏགས་ངེས་པ་ཇི་ལྟ་བུ།། སྟོན
176a2 པའི་སྟོན་པ་ཀུན་ཏུ་བཟང་པོ་ཡིས།། སྡུད་པའི་གསང་བདག་རྡོ་རྗེ་སེམས་དཔའ་ལ།། ཆོས་རྣམས་ཐམས་ཅད་འབྱུང་བའི་གཞིར་གྱུར་པ།། རང་རིག་རིག་མེད་སྟོང་པའི་རང་བཞིན་ཅན།། མཐའ་དང་དབུས་མེད་དོན
176a3 དམ་སྙིང་པོའི་ངང་།། བརྗོད་དུ་མེད་པའི་རང་བཞིན་ཡུལ་ལས་འདས།། དངོས་པོ་མཚན་མ་མེད་པའི་བདག་ཆེན་པོ།། འགྱུར་བ་མེད་པ་མ་བཅོས་ཀུན་གྱི་ལས།། ཐ་སྙད་ཀུན་དང་བྲལ་བ་ཐིག་ལེའི་ཀློང་།། སྒྲོ་སྐུར
176a4 ཀུན་བྲལ་ཚིག་གིས་མཚོན་དུ་མེད།། ཡོད་མེད་སྟོང་དང་མི་སྟོང་གཞལ་དུ་མེད།། རྒྱུ་རྐྱེན་མ་བསྐྱེད་ཟག་པ་མེད་པའི་སྐུ།། ཀུན་ལ་ཁྱབ་པའི་རྒྱ་ཡོངས་མ་ཆད་པ།། ཟད་མེད་རིན་ཆེན་གཏེར་གྱི་མཛོད་གྱུར
176a5 པ།། ཚོགས་བརྒྱད་ཡུལ་དུ་མ་གྱུར་རྨད་དུ་བྱུང་།། རྨད་བྱུང་བྱང་ཆུབ་སེམས་ཀྱི་རང་བཞིན་འདི།། གཅོད་མེད་མི་གཅོད་དབྱེར་མེད་ཤེས་རྒྱུས་འདྲ།། སྣང་བ་འདི་ཉིད་ཡིན་ཏེ་མཐོང་བ་མེད།། མཐོང་མེད་མཐོང་བ་ལྟ
176a6 བའི་མཆོག་ཏུ་ཡིན།། རང་བྱུང་ཡེ་ཤེས་རྩལ་གྱི་ཡན་ལག་སྣང་བ་རྣམས།། ལྟ་བའི་ངང་དུ་དབྱེར་མེད་སྤྱོད་སྣང་བ།། རིག་མེད་རང་གསལ་སྟོང་པའི་ངང་དུ་སྤྱོད།། རང་རིག་རང་གསལ་མཐའ་དབུས་མེད
iiif viewer powered by OpenSeadragon
