| e-texts navigator |
| Wylie |
173b1 སྐུ་རང་གསལ་བུམ་པས་དབང་བསྐུར་བས།། ཆོས་སྐུ་འགྱུར་བ་མེད་པར་བྱིན་རླབས་ཏེ།། སངས་རྒྱས་ཆོས་སྐུའི་དབང་བསྐུར་རོ།། མ་སྐྱེས་རང་བྱུང་ཡེ་ཤེས་དབང་བསྐུར་བྱིན་རླབས་ནི།། མ་སྐྱེས་མི་འགྱུར་ཡེ་ཤེས
173b2 ཡེ་ཉིད་བུམ།། མ་བཅོས་པ་ཡི་རང་བཞིན་ཡེ་ཤེས་ཡེ་ཉིད་པ།། མ་སྐྱེས་མི་འགྱུར་ཡེ་ཤེས་བུམ་པའི་དབང་།། རྫོགས་ཆེན་དབང་པོ་རབ་ཏུ་གྱུར་པ་ལ།། རང་བྱུང་ཡེ་ཤེས་བུམ་པའི་དབང་བསྐུར་བས།། རང་བྱུང
173b3 ཡེ་ཤེས་མི་འགྱུར་བྱིན་རླབས་ཏེ།། སྐུ་ཡི་ཡེ་ཤེས་གསུང་གི་དབང་བསྐུར་བའོ།། ཆོས་སྐུ་ཡེ་ཤེས་གཉིས་མེད་བུམ་དབང་ནི།། སྐྱེ་མེད་མ་སྐྱེས་གཉིས་མེད་ཡེ་ཤེས་ཡེ་ཉིད་བུམ།། བཅོས་མེད་མ་བཅོས་གཉིས་མེད
173b4 རང་གསལ་བ།། ཆོས་སྐུ་ཡེ་ཤེས་གཉིས་མེད་བུམ་པའི་དབང་།། རྫོགས་ཆེན་དབང་པོ་རབ་ཏུ་གྱུར་པ་ལ།། སྐྱེ་མེད་མ་སྐྱེས་གཉིས་མེད་དབང་བསྐུར་བས།། གཉིས་མེད་ཐིག་ལེ་ཆེན་པོར་བྱིན་རླབས་ཏེ།། སྐུ
173b5 ཡི་ཐུགས་ཀྱི་གཉིས་མེད་དབང་བསྐུར་བའོ།། མིང་མེད་གསུམ་མཚོན་བུམ་དབང་བྱིན་རླབས་ནི།། ཆོས་སྐུ་ཡེ་ཤེས་གཉིས་མེད་མིང་མེད་བརྡ།། སྐུ་གསུང་ཐུགས་ཀྱི་དབྱེར་མེད་མིང་མེད་བརྡ།། མིང་མེད་གསུམ་ལ
173b6 མཚོན་པ་བརྡ་ཡི་དབང་།། རྫོགས་ཆེན་དབང་པོ་རབ་ཏུ་གྱུར་པ་ལ།། མིང་མེད་གསུམ་མཚོན་བརྡ་ཡིས་དབང་བསྐུར་བས།། མིང་མེད་གསུམ་གྱི་ངང་དུ་བྱིན་རླབས་ཏེ།། མིང་མེད་ལྷུན་གྲུབ་བརྡ་ཡི་དབང་བསྐུར
iiif viewer powered by OpenSeadragon
