| e-texts navigator |
| Wylie |
172b1 ནམ་མཁའ་ལ།། ཀུན་ཏུ་བཟང་པོ་དང་ཉིད་ནམ་མཁའ་འབྱུང་།། ང་ལས་འབྱུང་དང་ང་ཉིད་ནམ་མཁའ་ལ།། ང་ལས་པ་ཉིད་ནམ་མཁའ་ངས་བསྟན་པ།། ཆོས་སྐུ་རང་རིག་མེད་པའི་མཁའ་ཉིད་དང་།། རང་བྱུང་ཡེ
172b2 ཤེས་རང་རིག་མཁའ་ཉིད་གཉིས།། དབྱེར་མེད་གཅིག་སྟེ་ནམ་མཁའ་ཉིད་ཀྱི་ངང་།། གཅིག་དང་ཐ་དད་དག་ལས་གྲོལ་བའོ།། རང་བཞིན་དབང་བསྐུར་ལ་ཡང་རྣམ་གཉིས་ཏེ།། སྤྱི་ཡི་རང་བཞིན་ལྷུན་གྲུབ་དབང
172b3 བསྐུར་དང་།། ཁྱད་པར་རང་བཞིན་ལྷུན་གྲུབ་དབང་བསྐུར་བའོ།། སྤྱི་ཡི་ལྷུན་གྲུབ་དབང་བསྐུར་རྣམ་བཞི་སྟེ།། རང་བཞིན་ལྷུན་གྲུབ་བུམ་པའི་དབང་བསྐུར་དང་།། གསང་བའི་དབང་དང་ཤེས་རབ་ཡེ་ཤེས
172b4 དབང་།། དབྱེར་མེད་མཚོན་པའི་དབང་སྟེ་བཞི་པའོ།། རང་བཞིན་ལྷུན་གྲུབ་བུམ་པའི་དབང་བསྐུར་བ།། ཆོས་སྐུ་རིག་མེད་ཕྱི་སྟེ་བུམ་ཉིད་དང་།། རང་བྱུང་ཡེ་ཤེས་ནང་སྟེ་བུམ་ཉིད་གཉིས།། ཕྱི་ནང་གཉིས་སུ་མེད
172b5 པའི་བུམ་པའི་དབང་།། རྫོགས་ཆེན་དབང་པོ་ཡང་རབ་གྱུར་པ་ལ། རང་བཞིན་གཉིས་མེད་བུམ་པའི་དབང་བསྐུར་བས།། གཉིས་མེད་ཐིག་ལེ་ཆེན་པོར་སངས་རྒྱས་པའོ།། རང་བཞིན་ལྷུན་གྲུབ་གསང་བའི་དབང
172b6 བསྐུར་བ།། ཆོས་སྐུ་རིག་མེད་རང་གསལ་ཤེས་རབ་གསང་།། རང་བྱུང་ཡེ་ཤེས་རིག་པ་ཐབས་ཏེ་བ།། ཐབས་དང་ཤེས་རབ་གཉིས་མེད་གསང་བའི་དབང་།། རྫོགས་ཆེན་དབང་པོ་ཡང་རབ་གྱུར་པ་ལ།། རང་བཞིན
iiif viewer powered by OpenSeadragon
