| e-texts navigator |
| Wylie |
170b1 རང་རིག་གྲངས་མེད་པ།། རང་ལ་ཡེ་ཤེས་རིག་པ་གྲངས་མེད་སྐྱེ།། སྐྱེས་པའི་བྱིན་རླབས་འབྲས་བུར་བྱུང་བ་ནི།། ཆོས་རྣམས་ཐམས་ཅད་མ་བསམ་ཐུགས་སུ་ཆུད་པ་དང་།། ཆོས་རྣམས་མ་མཉན་སྟོན་པར་བྱུང་བ
170b2 དང་།། མ་སྒོམས་པ་རུ་ཡེ་སངས་རྒྱས་པ་དང་།། སྔོན་མ་མཐོང་བའི་འབྲས་བུར་ཆོས་སྐུ་མཐོང་།། མཐོང་བའི་བྱིན་རླབས་འབྲས་བུ་སངས་རྒྱས་པའོ།། རིན་པོ་ཆེ་རྒྱས་པ་ཆེན་པོའི་མདོ་ལས། བྱིན་རླབས་ཀྱི་འབྱུང
170b3 ཁུངས་ཀྱི་ལེའུ་སྟེ་ཞེ་བརྒྱད་པའོ།། །། སྡུད་པའི་གསང་བདག་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། འཁྲུལ་པའི་རྩད་གཅད་རྩད་ཆོད་དོན་མཐོང་ན།། རྟགས་དང་མངོན་ཤེས་འབྱུང་བ
170b4 ཇི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ་ཡིས།། སྡུད་པའི་གསང་བདག་རྡོ་རྗེ་སེམས་དཔའ་ལ།། དང་པོ་རྟགས་ནི་འདི་རྣམས་འབྱུང་བ་སྟེ།། འཁོར་བའི་ཆོས་ལ་སྐྱོ་སེམས་བསྐྱེད་པ་འབྱུང་།། སེམས་ཅན་རྣམས
170b5 ལ་སྙིང་རྗེ་སྐྱེ་བ་དང་།། རང་གི་ལུས་དང་གནས་ལ་མི་ཆགས་ཤིང་།། ཟག་རིང་གཞན་དུ་འགྲོ་བ་འདོད་པ་འབྱུང་།། གཉིས་ཀ་ལ་ནི་རྟགས་རྣམས་འབྱུང་བ་ཡང་།། གོས་དང་ཟས་ཀྱི་འདུ་ཤེས་ཆུང་བ་དང་།། ཉོན
170b6 མོངས་ལ་སོགས་ཆགས་སྡང་ཆུང་བ་དང་།། སྙིང་རྗེ་ཕན་སེམས་རབ་ཏུ་ཆེ་བ་དང་།། རྨི་ལམ་རྟགས་ནི་མང་དུ་བྱུང་བ་སྟེ།། གསུམ་པ་ལ་ཡང་འདི་ལྟར་འབྱུང་བ་ཡིན།། ཡོ་བྱད་ལོངས་སྤྱོད་ཐམས་ཅད
iiif viewer powered by OpenSeadragon
