| e-texts navigator |
| Wylie |
170a1 ལམ་དང་འབྲས་བུ་གསུམ་དུ་འདུས།། སངས་རྒྱས་ཆོས་དང་དགེ་འདུན་གསུམ་དུ་འདུས།། ཆོས་སྐུ་ཡེ་ཤེས་སེམས་དང་གསུམ་དུ་འདུས།། ལྷ་སྐུ་སྤྱོད་གསུང་སྒོམ་ཐུགས་གསུམ་དུ་འདུས།། ལྟ་བ་ཆོས
170a2 སྒྲ་སྒོམ་པ་ལོངས་སྐུ་དང་།། སྤྱོད་པ་སྤྲུལ་པའི་སྐུ་སྟེ་གསུམ་དུ་འདུས།། ལྟ་བ་ཤེས་པའི་རབ་སྟེ་སྤྱོད་པ་ཟབས།། སྒོམ་པ་གཉིས་མེད་དབྱེར་མེད་གསུམ་དུ་འདུས།། ལྟ་བ་ཞི་གནས་སྤྱོད་པ་ལྷག་མཐོང་དང་།། སྒོམ་པ
170a3 ཟུང་དུ་འབྲེལ་བ་གསུམ་དུ་འདུས།། ལྟ་བ་ཀུན་བཟང་མོ་དང་སྤྱོད་པ་ཀུན་བཟང་པོ།། སྒོམ་པ་གཉིས་མེད་ཡིན་པ་གསུམ་དུ་འདུས།། ལྟ་བ་བཀའ་ལ་སྤྱོད་པ་བསྟན་བཅོས་དང་།། སྒོམ་པ་མན་ངག་གསུམ་དུ་འདུས་པ
170a4 སྟེ།། ལྟ་བ་སྟོན་པ་སྤྱོད་པ་བསྟན་པ་དང་།། སྒོམ་པ་སྡུད་པ་ཕུན་སུམ་ཚོགས་པའོ།། བཞི་མེད་བཞི་རུ་ཆོས་རྣམས་འདུས་པ་ཡང་།། ཆོས་ཀྱི་སྐུ་དང་རང་བྱུང་ཡེ་ཤེས་དང་།། སེམས་དང་བག་ཆགས་བཞི་རུ་འདུས
170a5 པའོ།། ལྔ་མེད་ལྔ་རུ་ཆོས་རྣམས་འདུས་པ་ཡང་།། རང་བཞིན་ངོ་བོ་ལྔ་རུ་འདུས་པའི་ཕྱིར།། རིགས་ལྔ་ལྔ་རུ་ཆོས་རྣམས་འདུས་པའོ།། རང་བྱུང་རྩལ་གྱི་ཡན་ལག་བྱིན་རླབས་ལས།། དངོས་པོ་འཁོར་བར་སྣང་བའི
170a6 འབྲས་བུ་དང་།། མཚན་མ་ཐེག་པར་སྣང་བའི་འབྲས་བུ་གྲུབ།། རང་ལ་ཡེ་ཤེས་ཅི་ཡིས་འཆར་བ་ནི།། འཁྲུལ་བའི་ཆོས་སུ་སྣང་བ་ཐམས་ཅད་ཀུན།། འཁྲུལ་པའི་རྩད་གཅད་རྩ་བ་ཆོད་པ་ཡིས།། རང་བྱུང་ཡེ་ཤེས
iiif viewer powered by OpenSeadragon
