| e-texts navigator |
| Wylie |
169b1 རྗེ་སེམས་དཔའ་ལ།། བྱང་ཆུབ་སེམས་ཀྱི་ཀུན་གཞི་ལྷུན་གྲུབ་འདི།། ཀུན་ལ་ཁྱབ་ཀྱང་ཐིག་ལེ་གཅིག་པའི་ཕྱིར།། ཆོས་རྣམས་ཐམས་ཅད་ཐིག་ལེ་གཅིག་ཏུ་འདུས།། རང་བཞིན་ལྷུན་གྲུབ་རང་འབྱུང་སྙིང་པོ
169b2 འདི།། ཆོས་སྐུ་ཡེ་ཤེས་གཉིས་སུ་གནས་པའི་ཕྱིར།། ཆོས་རྣམས་ཐམས་ཅད་གཉིས་སུ་འདུས་པའོ།། གཉིས་འདུས་གཉིས་ཀྱི་མིང་བཏགས་སྣང་བ་ནི།། རང་བྱུང་ཡེ་ཤེས་ཡན་ལག་སྙིང་པོ་གཉིས།། འཁོར་བའི་ཆོས
169b3 དང་མྱ་ངན་འདས་ཆོས་གཉིས།། མ་འདྲེས་པ་དང་ཡོངས་སུ་རྫོགས་པ་གཉིས།། འཁྲུལ་པར་སྣང་དང་མ་འཁྲུལ་སྣང་བ་གཉིས།། དངོས་དབང་བསམ་དབང་གཉིས་དང་སྣོད་བཅུད་གཉིས།། ཕྱི་ནང་གཟུང་འཛིན
169b4 གཉིས་སུ་སྣང་བ་ལ།། མིང་བཏགས་གཉིས་སྣང་གཉིས་སུ་འདུས་པའོ།། ནམ་མཁའ་རང་བཞིན་ཀུན་ཁྱབ་མིང་མེད་འདི།། མིང་གསུམ་མེད་པའི་མིང་གསུམ་བཏགས་པ་སྟེ།། མིང་གསུམ་བཏགས་པའི་མིང་ལ
169b5 གསུམ་འདུས་པས།། ཆོས་སྐུ་རང་བྱུང་ཡེ་ཤེས་དབྱེར་མེད་གསུམ།། ལྷུན་གྲུབ་ཐམས་ཅད་ལྟ་བ་ཡིན་པར་འདུས།། འཁྲུལ་སྣང་ཐམས་ཅད་སྤྱོད་པ་ཡིན་པར་འདུས།། གཉིས་མེད་ཐམས་ཅད་སྒོམ་པ་ཡིན་པར
169b6 འདུས།། ཡི་གེ་མེད་པའི་རྒྱུ་དང་རྟེན་མེད་ལུང་།། ངེས་པ་མེད་པའི་མན་ངག་གསུམ་དུ་འདུས།། མཚན་ཉིད་ཡོངས་རྫོགས་རྣམ་དག་ཡོངས་རྫོགས་དང་།། རྣམ་རྟོག་ཡོངས་རྫོགས་རྫོགས་པ་གསུམ་དུ་འདུས།། རྒྱུ་དང
iiif viewer powered by OpenSeadragon
