| e-texts navigator |
| Wylie |
169a1 པ།། འདྲ་མཐུན་རིགས་མཐུན་རྣམས་ཀྱི་ཤེས་པ་ཡིས།། མིང་གཉིས་བཏགས་པའི་བག་ཆགས་བརྟས་པའོ།། བཅུད་གཉིས་བཅུད་ཀྱི་མིང་གཉིས་འཁྲུལ་པ་སྟེ།། གཉིས་འཁྲུལ་གཉིས་ཀྱི་མིང་གཉིས
169a2 འཁྲུལ་པ་སྟེ།། འཁྲུལ་པས་གཉིས་སྣང་གཉིས་ཀྱི་མིང་གཉིས་སྣང་།། སྣང་བས་གཉིས་བྱུང་གཉིས་ཀྱི་མིང་གཉིས་བྱུང་།། བྱུང་བས་གཉིས་གནས་གཉིས་ཀྱི་མིང་གཉིས་གནས།། གནས་པས་གཉིས་སྤྱོད་གཉིས་ཀྱི
169a3 མིང་གཉིས་སྤྱོད།། སྤྱོད་པས་གཉིས་འདོད་གཉིས་ཀྱི་མིང་གཉིས་འདོད།། དེ་བཞིན་བཅུད་རྣམས་གྲངས་མེད་སྣང་བ་ཡང་།། ཡེ་ཤེས་བཅུད་དང་སེམས་ཅན་རྣམས་ཀྱི་བཅུད།། བཅུད་ཀྱི་བག་ཆགས་བརྟས་པ་སྣང
169a4 བའོ།། དེ་ལྟར་གསུམ་དང་བཞི་ལ་སོགས་པ་ཡི།། སྣོད་བཅུད་གྲངས་མེད་འཁྲུལ་པ་སྣང་བའོ།། རིན་པོ་ཆེ་རྒྱས་པ་ཆེན་པོའི་མདོ་ལས། སྣོད་བཅུད་འཁྲུལ་བ་དང་། སྣོད་བཅུད་འཁྲུལ་པའི་མིང་དང་། གཅིག་དང
169a5 གཉིས་འཁྲུལ་པའི་གྲངས་མི་འཁྲུལ་པའི་མིང་བཏགས་པའི་ལེའུ་སྟེ་ཞེ་བདུན་པའོ།། །། སྡུད་པའི་གསང་བདག་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། ཆོས་རྣམས་ཐམས་ཅད་བསྡུན
169a6 དུ་རུ་འདུས།། ཡན་ལག་རྩལ་གྱི་བྱིན་རླབས་འབྲས་བུ་དང་།། རང་ལ་ཡེ་ཤེས་ཅི་ཡིས་འཆར་བ་དང་།། ཤར་བའི་བྱིན་རླབས་འབྲས་བུ་ཇི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ་ཡིས།། སྡུད་པའི་གསང་བདག་རྡོ།
iiif viewer powered by OpenSeadragon
