| e-texts navigator |
| Wylie |
168b1 པའོ།། གཉིས་སུ་འཁྲུལ་པའི་ཆོས་ནི་རྣམ་གཉིས་ཏེ།། སྣོད་ཀྱི་གཉིས་དང་བཅུད་ཀྱི་གཉིས་པའོ།། སྣོད་ཀྱི་གཉིས་འཁྲུལ་གཉིས་པ་འཁྲུལ་པ་ནི།། རང་བྱུང་རྩལ་གྱི་ཡན་ལག་གཡོས་པ་ཡི།། རིག་མེད་རིག་མ་སྐྱེས་པ
168b2 གཉིས་པའོ།། ཕྲ་བའི་ཕྲ་མོ་མང་པོ་སྐྱེས་པ་ཡིས།། འདྲ་འདུས་རིགས་མཐུན་འདྲ་བའི་བག་ཆགས་ཆགས།། བག་ཆགས་ཆགས་པའི་བག་ཆགས་མིང་མེད་ལ།། ཡན་ལག་རིག་པའི་འཁོར་ལོ་གསུམ་སྐྱེས་པས།། འདྲ།
168b3 མཐུན་རིགས་མཐུན་མིང་གཉིས་བག་ཆགས་བརྟས།། སྣོད་ཀྱི་མིང་གཉིས་བག་ཆགས་བརྟས་པ་སྟེ།། བག་ཆགས་གཉིས་བརྟས་སྣོད་དུ་འཁྲུལ་པ་ཡིན།། སྣོད་གཉིས་འཁྲུལ་པས་སྣོད་གཉིས་སྣང་བ་དང་།། སྣོད
168b4 གཉིས་སྣང་བས་སྣོད་དུ་བྱུང་བ་དང་།། སྣོད་གཉིས་བྱུང་བས་སྣོད་གཉིས་གནས་པ་དང་།། སྣོད་གཉིས་གནས་པས་སྣོད་གཉིས་སྤྱོད་པ་དང་།། སྣོད་གཉིས་སྤྱོད་པས་སྣོད་གཉིས་འདོད་པ་དང་།། དེ་བཞིན་སྣོད་རྣམས
168b5 གྲངས་མེད་སྣང་བ་དང་།། ཡེ་ཤེས་སྣོད་དང་སེམས་ཅན་རྣམས་ཀྱི་སྣོད།། དེ་བཞིན་བག་ཆགས་བརྟས་ནས་འཁྲུལ་སྣང་བའོ།། བཅུད་ཀྱི་གཉིས་འཁྲུལ་གཉིས་པ་སྣང་བ་ནི།། རིག་པ་ཕྲ་རབ་གཉིས་པ་སྐྱེས་པ
168b6 དེ།། རིག་པའི་ཡན་ལག་གྲངས་མེད་བག་ཙམ་ཆགས།། ཆགས་པའི་འདྲ་འདུས་རིགས་མཐུན་བག་ཙམ་ཆགས།། ཆགས་པའི་རིག་པ་མིང་མེད་བྱུང་བ་ལ།། རིག་སྐྱེས་འཁོར་ལོ་གསུམ་གྱིས་མིང་བཏགས
iiif viewer powered by OpenSeadragon
