| e-texts navigator |
| Wylie |
168a1 ཡིན།། སྣོད་དུ་འཁྲུལ་པས་སྣོད་དུ་སྣང་བ་དང་།། སྣོད་དུ་སྣང་བས་སྣོད་དུ་བྱུང་བ་དང་།། བྱུང་བས་སྣོད་གནས་སྣོད་སྤྱོད་སྣོད་འདོད་པའོ།། དེ་ལྟར་ཡེ་ཤེས་སྣོད་དང་སེམས་ཅན་སྣོད།། སྣོད་ཀྱི་བག
168a2 ཆགས་འཁྲུལ་ནས་སྣང་བའོ།། བཅུད་ཀྱི་མིང་མེད་མིང་གི་བག་ཆགས་ལ།། ཡན་ལག་ཟེར་གྱི་རིག་པ་སྐྱེས་པ་དེ།། རིག་པའི་ཡན་ལག་བག་ཙམ་ཆགས་པ་ཡི།། འདྲ་འདུས་རིགས་མཐུན་རིག་པ་བག་ཆགས
168a3 ཆགས།། ཆགས་པའི་རིག་པ་མིང་མེད་བྱུང་བ་ལ།། རིག་སྐྱེས་འཁོར་ལོ་གསུམ་གྱི་མིང་བཏགས་པའོ།། འདྲ་མཐུན་རིགས་མཐུན་འདྲ་རྣམས་ཤེས་པ་ཡིས།། བཅུད་ཀྱི་མིང་བཏགས་བག་ཆགས་བརྟས་པ
168a4 ཡིས།། བཅུད་དུ་འཁྲུལ་ཏེ་བཅུད་དུ་སྣང་བ་དང་།། བཅུད་དུ་སྣང་བས་བཅུད་དུ་བྱུང་བ་སྟེ།། བྱུང་བས་བཅུད་གནས་བཅུད་སྤྱོད་བཅུད་འདོད་པའོ།། འདོད་པས་ཡེ་ཤེས་བཅུད་དང་སེམས་ཅན་བཅུད།། བཅུད་ཀྱི་བག
168a5 ཆགས་བརྟས་ནས་འཁྲུལ་པའོ།། དབྱེར་མེད་སྙིང་པོ་གཉིས་ལྟར་སྣང་བ་ནི།། ཉི་ཟེར་འོད་དང་ཤེལ་གྱི་རྒྱུས་པ་འདྲ།། གཉིས་མེད་གཉིས་ནི་འཁྲུལ་པའི་རྒྱུ་ཡིན་ཏེ།། ཡན་ལག་གཉིས་ནི་འཁྲུལ་པའི་འདྲ་གཞི
168a6 ཡིན།། གཉིས་ནི་གཉིས་ལ་འཁྲུལ་ཏེ་གཉིས་འཁྲུལ་པའོ།། གཉིས་སུ་འཁྲུལ་པའི་ཆོས་རྣམས་ཐམས་ཅད་ཀུན།། གཉིས་འཁྲུལ་གཉིས་སྣང་གཉིས་འབྱུང་གཉིས་སུ་གནས།། གཉིས་སུ་སྤྱོད་ཅིང་གཉིས་སུ་འདོད
iiif viewer powered by OpenSeadragon
