| e-texts navigator |
| Wylie |
167b1 པའོ།། །། སྡུད་པའི་གསང་བདག་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། འདི་ལྟར་སྣང་བའི་ཆོས་རྣམས་ཐམས་ཅད་ལ།། རང་བྱུང་ཡེ་ཤེས་ཡན་ལག་རྩལ་འཁྲུལ་ན།། སྣོད་དུ
167b2 འཁྲུལ་དང་བཅུད་དུ་འཁྲུལ་པ་ཡི།། འཁྲུལ་པའི་གཞི་དང་འཁྲུལ་པའི་འདྲ་གཞི་དང་།། གཅིག་དང་གཉིས་སུ་མིང་བཏགས་ཇི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ་ཡིས།། སྡུད་པའི་གསང་བདག་རྡོ་རྗེ་སེམས
167b3 དཔའ་ལ།། ཆོས་སྐུ་རང་འབྱུང་སྙིང་པོ་འོད་གཅིག་ལ།། སྙིང་པོ་གཅིག་ནི་འཁྲུལ་པའི་གཞི་ཡང་ཡིན།། ཡན་ལག་གཅིག་ནི་འཁྲུལ་པའི་འདྲ་གཞི་སྟེ།། གཅིག་ནི་གཅིག་ལ་འཁྲུལ་ཏེ་གཅིག་འཁྲུལ་བའོ།། གཅིག་ཏུ
167b4 འཁྲུལ་པའི་ཆོས་རྣམས་ཐམས་ཅད་ཀུན།། གཅིག་འཁྲུལ་གཅིག་སྣང་གཅིག་བྱུང་གཅིག་ཏུ་གནས།། གཅིག་སྤྱོད་གཅིག་ཏུ་འདོད་པ་གཅིག་འཁྲུལ་ཏེ།། སྣོད་ཀྱི་མིང་མེད་བག་ཆགས་ཆགས་པ་དང་།། ཡན་ལག་རིག
167b5 པ་མིང་མེད་རིག་པ་ཡིས།། སྣོད་ཀྱི་མིང་གཅིག་བཏགས་པ་སྣོད་འཁྲུལ་པ།། ཡན་ལག་རིག་མེད་རིག་མ་སྐྱེས་པ་ཡིས།། འདྲ་འདུས་རིགས་མཐུན་འདྲ་བ་བག་ཙམ་ཆགས།། བག་ཆགས་ཆགས་པའི་བག་ཆགས་མིང
167b6 མེད་ལ།། རྩལ་གྱི་རིགས་པ་འཁོར་ལོ་གསུམ་སྐྱེས་པས།། འདྲ་མཐུན་རིགས་མཐུན་མིང་བཏགས་འཁྲུལ་པ་ལ།། སྣོད་ཀྱི་མིང་བཏགས་བག་ཆགས་བརྟས་པ་སྟེ།། བག་ཆགས་བརྟས་པ་སྣོད་དུ་འཁྲུལ་པ
iiif viewer powered by OpenSeadragon
