| e-texts navigator |
| Wylie |
165a1 སྐུ་སྐྱེ་མེད་ཀུན་ཁྱབ་མཐར་ཕྱིན་ཀ། རིན་པོ་ཆེ་རྒྱས་པ་ཆེན་པོའི་མདོ་ལས། ཐེག་པ་རྣམས་ལ་ཆོས་ཀྱི་སྐུའི་མིང་བཏགས་པའི་ལེའུ་སྟེ་ཞེ་བཞི་པའོ།། །། སྡུད་པའི་གསང་བདག་རྡོ་རྗེ་སེམས་དཔའ
165a2 ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། རང་བྱུང་ཡེ་ཤེས་ཐེག་པ་རྣམས་ཀྱི་མིང་།། རང་བྱུང་ཡེ་ཤེས་མིང་བཏགས་ཇི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ་ཡིས།། སྡུད་པའི་གསང་བདག་རྡོ་རྗེ་སེམས
165a3 དཔའ་ལ།། རང་བྱུང་ཡེ་ཤེས་རང་བཞིན་མིང་མེད་དེ།། ཐེག་པའི་རང་བྱུང་ཡེ་ཤེས་མིང་བཏགས་པས།། ཡེ་ཤེས་མ་བཅོས་རང་རིག་ཡེ་ཉིད་མུ།། ཡེ་ཤེས་མི་འགྱུར་རིག་པ་མི་རྟོག་སྟེགས།། རང་བྱུང་ཡེ་ཤེས་མ
165a4 བཅོས་ཡེ་ནས་ཉན།། ཡེ་ཤེས་མི་འགྱུར་རིག་པ་མི་རྟོག་ཟོས།། ཡེ་ཤེས་མ་བསྒྲུབས་ཡེ་ཉིད་གྲུབ་པ་རང་།། རིག་པ་མ་བཅོས་ཡེ་ཤེས་དབྱིངས་ནས་སངས།། མ་གཡོས་པ་ཡི་ཡེ་ཤེས་རང་རིག་རྒྱས།། ཡེ་ཤེས་མ
165a5 གཡོས་རང་རིག་རིག་པ་སེམས།། ཡེ་ཤེས་སེམས་ཀྱི་རང་རིག་གྲུབ་པ་ཙམ།། ཡེ་ཤེས་མི་འགྱུར་མཐའ་དབུས་མེད་པ་དབུ།། རང་བྱུང་ཡེ་ཤེས་ཀུན་ལ་ཁྱབ་པ་མ།། ཡེ་ཤེས་སྙིང་པོ་མ་བྱས་རང་རིག་ཀྲི།། རང་བྱུང་ཡེ
165a6 ཤེས་མ་གཡོས་མཐར་ཕྱིན་ཡ།། ཡེ་ཤེས་མ་བསྐྱོད་རང་གསལ་བརྡལ་བ་ཨུ།། ཡེ་ཤེས་བརྡལ་བའི་དབྱིངས་ཉིད་རང་རིག་པ།། དབྱིངས་ནས་མ་བསྐྱོད་ཡེ་ཤེས་གྲུབ་པ་ཡ།། ཡེ་ཤེས་མི་འགྱུར་ཡོངས་ལ་ཁྱབ་པ
iiif viewer powered by OpenSeadragon
