| e-texts navigator |
| Wylie |
163b1 ཆད་པའི་དབྱེར་མེད་སྒྲ།། ཆོས་སྐུ་འགག་མེད་སྐྱེ་མེད་དྲི་ཉིད་དང་།། ཡེ་ཤེས་མ་འགགས་མ་སྐྱེས་དྲི་ཉིད་གཉིས།། འགག་མེད་མ་འགགས་དབྱེར་མེད་པ་ཡི་དྲི།། ཆོས་སྐུ་གཡོ་མེད་རང་བཞིན་རོ་ཉིད་དང་།། ཡེ་ཤེས
163b2 མི་གཡོ་རང་བཞིན་རོ་ཉིད་གཉིས།། གཡོ་མེད་མི་གཡོ་དབྱེར་མེད་པ་ཡི་རོ།། ཆོས་སྐུ་འགྱུར་མེད་རང་བཞིན་རེག་ཉིད་དང་།། ཡེ་ཤེས་མི་འགྱུར་རང་བཞིན་རེག་ཉིད་གཉིས།། འགྱུར་མེད་མི་འགྱུར་དབྱེར་མེད་རེག
163b3 པའོ།། རིན་པོ་ཆེ་རྒྱས་པ་ཆེན་པོའི་མདོ་ལས། འདོད་པའི་ཡོན་ཏན་ལྔ་ལ་ཆོས་ཀྱི་སྐུ་དང་རང་བྱུང་ཡེ་ཤེས་དང་དབྱེར་མེད་པའི་མིང་བཏགས་པའི་ལེའུ་སྟེ་ཞེ་གཉིས་པའོ།། །། སྡུད་པའི་གསང་བདག་རྡོ་རྗེ
163b4 སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ། ཁ་དོག་རྣམ་པ་ལྔ་རུ་སྣང་བ་ལ།། ཆོས་ཀྱི་སྐུ་དང་རང་བྱུང་ཡེ་ཤེས་ཀྱི།། དབྱེར་མེད་མིང་བཏགས་སྣང་བ་ཇི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ
163b5 ཡིས།། སྡུད་པའི་གསང་བདག་རྡོ་རྗེ་སེམས་དཔའ་ལ།། ཆོས་སྐུ་རང་གསལ་སྒྲིབ་མེད་རང་བཞིན་དཀར།། ཆོས་སྐུ་འགྱུར་མེད་བརྡལ་བའི་རང་བཞིན་སེར།། ཆོས་སྐུ་རྒྱ་ཆད་མེད་པའི་རང་བཞིན་དམར།། ཆོས་སྐུ
163b6 གཡོ་བ་མེད་པའི་རང་བཞིན་སྔོ།། ཆོས་སྐུ་འགག་པ་མེད་པའི་རང་བཞིན་ལྡང་།། ཡེ་ཤེས་མ་བསྒྲིབས་རང་གསལ་རང་བཞིན་དཀར།། ཡེ་ཤེས་མི་འགྱུར་བརྡལ་བའི་རང་བཞིན་སེར།། ཡེ་ཤེས་རྒྱ་མ་ཆད་པའི་རང
iiif viewer powered by OpenSeadragon
