| e-texts navigator |
| Wylie |
163a1 གཉིས།། སྤྲོས་མེད་མ་སྤྲོས་དབྱེར་མེད་མ་རིག་པའོ།། རིན་པོ་ཆེ་རྒྱས་པ་ཆེན་པོའི་མདོ་ལས།། ཉོན་མོངས་པ་ལྔ་ལ་ཆོས་སྐུ་ཡེ་ཤེས་དབྱེར་མེད་པའི་མིང་བཏགས་པའི་ལེའུ་སྟེ་ཞེ་གཅིག
163a2 པའོ།། །། སྡུད་པའི་གསང་བདག་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། རང་བཞིན་ལྷུན་གྱིས་གྲུབ་པའི་མིང་མེད་དེ།། གཟུགས་སྒྲ་དྲི་རོ་རེག་པ་ལྔ་སྣང་ལ།། ཆོས་ཀྱི་སྐུ་དང་རང
163a3 འབྱུང་ཡེ་ཤེས་ཀྱི།། དབྱེར་མེད་མིང་བཏགས་སྣང་བ་ཇི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ་ཡིས།། སྡུད་པའི་གསང་བདག་རྡོ་རྗེ་སེམས་དཔའ་ལ།། ཆོས་སྐུ་རང་གསལ་རིག་མེད་གསལ་བ་གཟུགས།། ཆོས
163a4 སྐུ་རྒྱ་ཆད་མེད་པ་རང་བཞིན་སྒྲ།། ཆོས་སྐུ་འགག་མེད་སྐྱེ་བ་མེད་པ་དྲི།། ཆོས་སྐུ་གཡོ་བ་མེད་པའི་རང་བཞིན་རོ།། ཆོས་སྐུ་འགྱུར་བ་མེད་པའི་རང་བཞིན་རེག། ཡེ་ཤེས་རང་གསལ་རིག་པ་གསལ་བ་གཟུགས།། ཡེ
163a5 ཤེས་རྒྱ་མ་ཆད་པ་རང་བཞིན་སྒྲ།། ཡེ་ཤེས་མ་འགགས་མ་སྐྱེས་པ་ཉིད་དྲི།། ཡེ་ཤེས་མ་གཡོས་པ་ཡི་རང་བཞིན་རོ།། ཡེ་ཤེས་མི་འགྱུར་བ་ཡི་རང་བཞིན་རག། ཆོས་སྐུ་རང་གསལ་རིག་མེད་གསལ་གཟུགས
163a6 དང་།། ཡེ་ཤེས་རང་གསལ་རང་རིག་གསལ་གཟུགས་གཉིས།། རིག་མེད་རང་རིག་དབྱེར་མེད་གསལ་བ་གཟུགས།། ཆོས་སྐུ་རྒྱ་ཆད་མེད་པའི་སྒྲ་ཉིད་དང་།། ཡེ་ཤེས་རྒྱ་མ་ཆད་པའི་སྒྲ་ཉིད་གཉིས།། རྒྱ་ཆད་རྒྱ་མ
iiif viewer powered by OpenSeadragon
