| e-texts navigator |
| Wylie |
162b1 རང་བཞིན་རྒྱ་ཆད་མེད་པ་ང་།། ཆོས་སྐུ་བཅོས་མེད་རང་བཞིན་དང་ན་རྒྱལ།། ཆོས་སྐུ་རང་གསལ་སྤྲོས་མེད་བརྡལ་བ་མ།། ཆོས་སྐུ་སྤྲོས་མེད་རིག་མེད་རང་བཞིན་རིག། ཡེ་ཤེས་མི་གཡོ་ངོ་བོ་བདེ་བ་འདོད།། ཡེ
162b2 ཤེས་མི་གཡོ་བདེ་བའི་ངང་ན་ཆགས།། ཡེ་ཤེས་མི་འགྱུར་བ་ཡི་རང་བཞིན་ཞེ།། ཡེ་ཤེས་མི་འགྱུར་བ་ཡི་དང་ན་སྡང་།། ཡེ་ཤེས་མ་འགགས་པ་ཡི་རང་བཞིན་ཕྲག། ཡེ་ཤེས་མ་འགགས་པའི་རང་བཞིན་དང་ན།
162b3 དོག། ཡེ་ཤེས་རྒྱ་མ་ཆད་པའི་རང་བཞིན་ང་།། ཡེ་ཤེས་མ་བཅོས་རང་བཞིན་དང་ན་རྒྱལ།། ཡེ་ཤེས་མ་སྤྲོས་རང་གསལ་བརྡལ་བ་མ།། ཡེ་ཤེས་མ་སྤྲོས་རང་བཞིན་ངང་གིས་རིག། གཡོ་མེད་རང་བཞིན་བདེ་བའི
162b4 འདོད་ཆགས་དང་།། མི་གཡོ་རང་བཞིན་བདེ་བའི་འདོད་ཆགས་གཉིས།། གཡོ་མེད་མི་གཡོ་དབྱེར་མེད་འདོད་ཆགས་པའོ།། ཆོས་སྐུ་འགྱུར་མེད་རང་བཞིན་ཞེ་སྡང་དང་།། ཡེ་ཤེས་མི་འགྱུར་རང་བཞིན་ཞེ་སྡང
162b5 གཉིས།། འགྱུར་མེད་མི་འགྱུར་དབྱེར་མེད་ཞེ་སྡང་བའོ།། ཆོས་སྐུ་འགག་མེད་རང་བཞིན་ཕྲག་དོགས་དང་།། ཡེ་ཤེས་མ་འགགས་རང་བཞིན་ཕྲག་དོགས་གཉིས།། འགག་མེད་མ་འགག་དབྱེར་མེད་ཕྲག་དོགས
162b6 གོ། ཆོས་སྐུ་རྒྱ་ཆད་མེད་པའི་ང་རྒྱལ་དང་།། ཡེ་ཤེས་རྒྱ་མ་ཆད་པའི་ང་རྒྱལ་གཉིས།། ཆོས་སྐུ་ཡེ་ཤེས་དབྱེར་མེད་ང་རྒྱལ་ལོ།། ཆོས་སྐུ་རང་གསལ་སྤྲོས་མེད་མ་རིག་དང་།། ཡེ་ཤེས་རང་རིག་མ་སྤྲོས་མ་རིག
iiif viewer powered by OpenSeadragon
