| e-texts navigator |
| Wylie |
160b1 ཏུ་བཟང་པོ་ཡིས།། སྡུད་པའི་གསང་བདག་རྡོ་རྗེ་སེམས་དཔའ་ལ།། ཁྱད་པར་མིང་བཏགས་ལ་ཡང་རྣམ་གཉིས་ཏེ།། རང་བཞིན་ལྷུན་གྲུབ་ཉིད་ལ་མིང་བཏགས་དང་།། རྩལ་གྱི་ཡན་ལག་ཉིད་ལ་མིང་བཏགས
160b2 པའོ།། ལྷུན་གྲུབ་ཉིད་ལ་མིང་བཏགས་རྣམ་གསུམ་སྟེ།། ཆོས་སྐུའི་མིང་དང་རང་བྱུང་ཡེ་ཤེས་དང་།། ཆོས་སྐུ་རང་བྱུང་ཡེ་ཤེས་དབྱེར་མེད་པའོ།། རང་བཞིན་ཆོས་སྐུ་ཉིད་ལ་མིང་བཏགས་པ།། རང་གསལ་རིག་མེད
160b3 འགྱུར་བ་མེད་པ་ལྟ།། སྐྱེ་བ་མེད་པའི་རྟོག་མེད་དང་དུ་སྤྱོད།། ཡེངས་པ་མེད་པའི་རྟོག་མེད་ཆོས་སྐུ་སྒོམ།། ཐོབ་པ་མེད་པའི་འབྲས་བུ་ལྷུན་གྲུབ་ཐོབ།། རང་བྱུང་ཡེ་ཤེས་ཉིད་ལ་མིང་བཏགས་པ།། རང་རིག་རང
160b4 གསལ་མི་འགྱུར་ལྟ་བ་ལྟ།། མ་སྐྱེས་པ་ཡི་མི་རྟོག་དང་ལ་སྤྱོད།། མ་ཡེངས་པ་ཡི་མི་དམིགས་རང་གསལ་སྒོམ།། འབྲས་བུ་རང་བྱུང་ཡེ་ཤེས་ལྷུན་གྲུབ་ཐོབ།། ཆོས་སྐུ་རང་བྱུང་ཡེ་ཤེས་དབྱེར་མེད་པ།། ལྟ་སྤྱོད་སྒོམ
160b5 དང་འབྲས་བུའི་མིང་བཏགས་པ།། ཆོས་སྐུ་རིག་མེད་རང་གསལ་འགྱུར་མེད་དང་།། རང་བྱུང་ཡེ་ཤེས་རང་རིག་མི་འགྱུར་གཉིས།། གཅིག་དང་ཐ་དད་དག་ལས་གྲོལ་བ་ཡི།། འགྱུར་མེད་མི་འགྱུར་དབྱེར་མེད་ཆེན
160b6 པོ་ལྟ།། ཆོས་སྐུ་རིག་མེད་རང་གསལ་སྐྱེ་མེད་དང་།། རང་འབྱུང་ཡེ་ཤེས་རང་རིག་མ་སྐྱེས་གཉིས།། གཅིག་དང་ཐ་དད་དག་ལས་གྲོལ་བ་ཡིན།། སྐྱེ་མེད་མ་སྐྱེས་དབྱེར་མེད་ཆེན་པོར་སྤྱོད།། ཆོས་སྐུ་རིག་མེད་རང
iiif viewer powered by OpenSeadragon
