| e-texts navigator |
| Wylie |
160a1 སྤངས་ཐོབ་མེད་པའི་འབྲས་བུ་ཡིན།། སྤངས་ཐོབ་མེད་པའི་འབྲས་ཆེན་འབྲས་བུ་ཡང་།། འབྲས་བུའི་ནང་ན་འབྲས་བུའི་མཆོག་ཆེན་ཡིན།། ལྟ་བའི་ལྟ་བ་བལྟར་མེད་ལྷུན་རྫོགས་ཡིན།། ལྟ་བའི་སྤྱོད
160a2 པ་རང་བཞིན་ཡོངས་རྫོགས་ཡིན།། ལྟ་བའི་སྒོམ་པ་དམིགས་སུ་མེད་པ་ཡིན།། ལྟ་བའི་འབྲས་བུ་ཐོབ་པ་མེད་པ་ཡིན།། སྤྱོད་པའི་ལྟ་བ་རང་བཞིན་ཡོངས་རྫོགས་ཡིན།། སྤྱོད་པའི་སྤྱོད་པ་མཚན་མ་ཡོངས་རྫོགས
160a3 ཡིན།། སྤྱོད་པའི་སྒོམ་པ་རང་བཞིན་རྣམ་དག་ཡིན།། སྤྱོད་པའི་འབྲས་བུ་བླང་དོར་མེད་པ་ཡིན།། སྒོམ་པའི་ལྟ་བ་དམིགས་སུ་མེད་པ་ཡིན།། སྒོམ་པའི་སྤྱོད་པ་རང་བཞིན་རྣམ་དག་ཡིན།། སྒོམ་པའི་སྒོམ་པ་ཡོངས་སུ
160a4 མེད་པ་ཡིན།། སྒོམ་པའི་འབྲས་བུ་སྤངས་ཐོབ་མེད་པ་ཡིན།། འབྲས་བུའི་ལྟ་བ་བལྟར་མེད་ལྷུན་གྲུབ་ཡིན།། འབྲས་བུའི་སྤྱོད་པ་སྤྱད་དུ་མེད་པ་ཡིན།། འབྲས་བུའི་སྒོམ་པ་སྒོམ་དུ་མེད་པ་ཡིན།། འབྲས་བུའི་འབྲས
160a5 བུ་ཐོབ་པ་མེད་པ་ཡིན།། ལྷ་སྤྱོད་གྲངས་མེད་བསྟན་ཀྱང་དབྱེར་མེད་གཅིག། དབྱེར་མེད་མིང་དང་བྲལ་བ་ནམ་མཁའ་ཡིན།། རིན་པོ་ཆེ་རྒྱས་པ་ཆེན་པོའི་མདོ་ལས། ལྷ་སྤྱོད་སྒོམ་པ་དབྱེར་མེད་པའི་ལེའུ་སྟེ་སོ་བརྒྱད
160a6 པའོ།། །། སྡུད་པའི་གསང་བདག་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། ཁྱད་པར་ལྟ་སྤྱོད་སྒོམ་པ་འབྲས་བུ་ཡི།། དབྱེར་མེད་མིང་བཏགས་ངེས་པ་ཇི་ལྟ་བུ།། སྟོན་པའི་སྟོན་པ་ཀུན
iiif viewer powered by OpenSeadragon
