| e-texts navigator |
| Wylie |
15b1 རྒྱ་གར་སྐད་དུ། ཨ་ཏི་ཏྲི་ཀཱ་ཡ་པཉྩ་ཛྙཱ་ན་ཏྲི་ཀ་ཀརྨ་ཏནྣ་ནཱ་མ་མ་ཧཱ་སནྣི་ཏྲི་ཀ་ཡ་པཉྩ་ཛྙཱ་ན་སྱཱརྠ་སུ་བྷ་ཥི་ཏ་སཱཪྻ་ཙནྡ་སཾ་པུ་ཊ་ན་ད་སི་ཧ་སིནྣི་གི་ཏི་ཏནྣ་ན་མ། བོད་སྐད་དུ། རྫོགས་པ་ཆེན་པོ་སྐུ་གསུམ
15b2 ཡེ་ཤེས་ལྔའི་དོན་བཤད་པ་ཉི་ཟླ་ཁ་སྦྱོར་སེང་གེ་སྒྲ་ཡི་དགོངས་པ་བཤད་པའི་རྒྱུད་ཅེས་བྱ་བ། བཅོམ་ལྡན་འདས་དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། འདི་སྐད་རྣམ་པར་བཤད་པའི་དུས་གཅིག་ན། དུས
15b3 གསུམ་གྱི་སངས་རྒྱས་ཐམས་ཅད་འདུས་པའི་དཔལ་རྡོ་རྗེ་སེམས་དཔས་ཐམས་ཅད་ཀྱི་ངོ་བོར་གྱུར་པ་བཞོན་ནུ་དཔའ་བོ་སྟོབས་དང་ལྡན་པ་དེས། ལྕང་ལོ་ཅན་གྱི་ཕོ་བྲང་རི་བོ་གནམ་ལྕགས་འབར་རྩེ་ལ། ཡེ་ཤེས
15b4 ཀྱི་མཁའ་འགྲོ་རྣམས་དང་། ལས་ལས་གྲུབ་པའི་མཁའ་འགྲོ་དང་། འཇིག་རྟེན་གྱི་འཁོར་དང་། སྤྲུལ་པའི་འཁོར་བྱང་ཆུབ་སེམས་དཔའ་རྣམས་དང་དེའི་ཚེ་ཐབས་ཅིག་ཏུ་བཞུགས་སོ།། དེ་ནས་གསང་བའི་བདག
15b5 པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་འདས་ཐུགས་རྗེའི་བདག། སེམས་ཉིད་ཡེ་ཤེས་འཁྲུལ་པའི་སྒོ།། རྟོགས་པར་འདོད་པས་ཇི་ལྟར་ལྟ།། ཞེས་གསོལ་ཏོ།། རིགས་ཀྱི་བུ་ངེས་པར་ཉོན་ཅིག། མ་བཅོས
15b6 རང་བཞིན་སྙིང་པོའི་དོན།། ཕྱོགས་སུ་བལྟས་པས་མཐོང་མིན་ཏེ།། རང་ལ་ཤར་བའི་དོན་ཉིད་ལ།། ཇི་ལྟར་ཉི་འོད་ནོར་བུ་ལྟར།། མ་བསགས་གདོད་ནས་ལྷུན་གྱིས་རྫོགས།། རང་བྱུང་གཞི་ཡི་གནས་ལུགས་ནི།།
iiif viewer powered by OpenSeadragon
