| e-texts navigator |
| Wylie |
159b1 ཡིན།། རང་བྱུང་རྩལ་གྱི་ཡན་ལག་སྣང་བ་རྣམས།། ལྟ་བའི་ངང་དུ་དབྱེར་མེད་སྤྱོད་སྣང་བ།། རིག་མེད་རང་གསལ་སྟོང་པའི་ངང་དུ་སྤྱོད།། རང་རིག་རང་གསལ་མཐའ་དང་དབུས་མེད་སྤྱོད།། བརྗོད་མེད་རང་བཞིན
159b2 རྟོག་པ་ཡུལ་ལ་སྤྱོད།། དངོས་པོ་མཚན་མེད་དབྱིངས་ཀྱི་དོན་ལ་སྤྱོད།། འགྱུར་མེད་མ་བཅོས་ཀུན་གྱི་ལམ་དུ་སྤྱོད།། ཐ་སྙད་བྲལ་བའི་ཐིག་ལེ་ཆེན་པོར་སྤྱོད།། སྒྲོ་སྐུར་བྲལ་བའི་དབྱིངས་ཀྱི་ངང་དུ་སྤྱོད།། གཞལ་དུ
159b3 མེད་པའི་སྟོང་པའི་དབྱིངས་སུ་སྤྱོད།། རྒྱུ་རྐྱེན་མ་ཟག་མེད་ཀུན་ཏུ་སྤྱོད།། ཀུན་ཁྱབ་རྒྱ་ཡོངས་མ་ཆད་པ་རུ་སྤྱོད།། ཟད་པ་མེད་པའི་རིན་ཆེན་གཏེར་དུ་སྤྱོད།། རྨད་བྱུང་བྱང་ཆུབ་སེམས་ཀྱི་རང་བཞིན་འདི།། སྤྱོད་པ
159b4 མེད་པའི་ངང་དུ་སྤྱོད་པ་སྟེ།། སྤྱོད་མེད་སྤྱོད་པ་སྤྱོད་པའི་སྤྱོད་མཆོག་ཡིན།། རྩལ་གྱི་ཡན་ལག་ཆོས་རྣམས་སྣང་བ་ཀུན།། བཅོས་མེད་མ་བཅོས་ཇི་བཞིན་ངང་ལ་གཞག། རིག་པ་མ་བཅོས་ཇི་བཞིན་ཉིད་དུ
159b5 གཞག། བཅོས་མེད་མ་བཅོས་གསལ་བའི་ངང་ལ་གཞག། གཞག་ཏུ་དངོས་མེད་དམིགས་པའི་ངོ་བོ་མེད།། དངོས་པོ་མེད་པའི་རང་བཞིན་གཞག་ས་མེད།། གཞག་ས་མེད་པའི་གཞག་སར་བཞག་པ་ནི།། སྒོམ་དུ
159b6 མེད་པའི་སྒོམ་པ་ཆེན་པོ་སྟེ།། སྒོམ་དུ་མེད་པའི་སྒོམ་པ་ཆེན་པོ་ནི།། སྒོམ་པ་ཀུན་གྱི་ནང་ན་བསྔགས་པ་ཡིན།། ཡན་ལག་རྩལ་གྱི་ཆོས་ཉིད་སྙིང་པོ་ཉིད།། གྲུབ་པ་མེད་པའི་གྲུབ་པ་ལྷུན་གྲུབ་སྟེ།། ལྷུན་གྲུབ
iiif viewer powered by OpenSeadragon
