| e-texts navigator |
| Wylie |
158b1 མེད་གསུམ་ལ་མཚོན་པའི་དབང་བསྐུར་བས།། མིང་མེད་མཚོན་པ་མེད་པར་བྱིན་རླབས་ཏེ།། ནམ་མཁའ་མིང་མེད་བརྡ་ཡི་དབང་བསྐུར་བའོ།། ཞལ་བསྟན་འབྲས་བུ་ངེས་པ་ལ་གཉིས་ཏེ།། སྤྱི་དང་ཁྱད་པར་གཉིས
158b2 ཀྱི་ཞལ་བསྟན་པའོ།། སྤྱི་ཡི་རང་བཞིན་ཆོས་སྐུའི་ཞལ་བསྟན་པ།། ནམ་མཁའ་མིང་དུ་མ་བཏགས་ནམ་མཁའ་ཡི།། ནམ་མཁའི་སྙིང་པོར་ནམ་མཁའ་བལྟ་བྱས་ན།། དེ་ཚེ་ནམ་མཁའ་ཉིད་དུ་དེ་ཉིད་འགྱུར།། འབྲས
158b3 བུ་སངས་རྒྱས་ཉིད་དུ་ངེས་ཐོབ་པའོ།། ཁྱད་པར་ཞལ་བསྟན་ལ་ཡང་རྣམ་གསུམ་སྟེ།། རང་བཞིན་ལྷུན་གྲུབ་ཆོས་སྐུའི་ཞལ་བསྟན་པ།། ནམ་ནི་རིག་མེད་ཆོས་སྐུའི་རང་བཞིན་ལ།། ཆོས་སྐུ་རིག་མེད་ནམ་གྱི་རང
158b4 བཞིན་ཏེ།། ལྷུན་གྲུབ་ཆོས་སྐུ་ནམ་ལ་བལྟས་བྱས་ན།། དེ་ཚེ་ཆོས་སྐུ་ནམ་དང་གཉིས་མེད་པས།། འབྲས་བུ་སངས་རྒྱས་ཆོས་སྐུ་ངེས་ཐོབ་པའོ།། ལྷུན་གྲུབ་རང་བྱུང་ཡེ་ཤེས་ཞལ་བསྟན་པ།། མཁའ་ནི་རང་བྱུང་ཡེ
158b5 ཤེས་རང་བཞིན་ལ།། རང་བྱུང་ཡེ་ཤེས་མཁའ་ཡི་རང་བཞིན་ཏེ།། ལྷུན་གྲུབ་རང་བྱུང་ཡེ་ཤེས་བལྟས་བྱས་ནས།། དེ་ཚེ་རང་བྱུང་ཡེ་ཤེས་གཉིས་མེད་པའི།། འབྲས་བུ་རང་བྱུང་ཡེ་ཤེས་དེས་ཐོབ་པའོ།། ཆོས་སྐུ་ཡེ
158b6 ཤེས་དབྱེར་མེད་ཞལ་བསྟན་པ།། ནམ་ནི་རིག་མེད་ཆོས་སྐུའི་རང་བཞིན་དང་།། མཁའ་ནི་རང་རིག་ཡེ་ཤེས་རང་བཞིན་གཉིས།། གཅིག་དང་ཐ་དད་དག་ལས་གྲོལ་བར་གནས།། གཉིས་མེད་མིང་མེད་ནང་དུ་བལྟས
iiif viewer powered by OpenSeadragon
