| e-texts navigator |
| Wylie |
157a1 བརྡ།། སྐུ་གསུང་ཐུགས་ཀྱི་དབྱེར་མེད་མིང་མེད་བརྡ།། མིང་མེད་གསུམ་ལ་མཚོན་པ་བརྡ་ཡི་དབང་།། རྫོགས་ཆེན་དབང་པོ་ཡང་རབ་གྱུར་པ་ལ།། མིང་མེད་གསུམ་མཚན་བརྡ་ཡིས་དབང་བསྐུར
157a2 བས།། མིང་མེད་གསུམ་གྱི་ངང་དུ་བྱིན་རླབས་ཏེ།། མིང་མེད་ལྷུན་གྲུབ་བརྡ་ཡིས་དབང་བསྐུར་བའོ།། ལྷུན་གྲུབ་གསང་བའི་དབང་ལ་རྣམ་བཞི་སྟེ།། ཆོས་སྐུ་གསང་བའི་དབང་བསྐུར་བྱིན་རླབས་ནི།། སྤྲོས་མེད་རང
157a3 གསལ་བརྗོད་མེད་ཡེ་ཉིད་གསང་།། བརྗོད་དུ་མེད་པའི་རང་བཞིན་རང་གསལ་བ།། སྤྲོས་མེད་བརྗོད་དུ་མེད་པའི་གསང་བ་ཉིད།། རང་བཞིན་ལྷུན་གྲུབ་ཆོས་སྐུ་གསང་བའི་དབང་།། རྫོགས་ཆེན་དབང་པོ་ཡང་རབ
157a4 གྱུར་པ་ལ།། ཆོས་སྐུ་རང་གསལ་གསང་བའི་དབང་བསྐུར་བས།། ཆོས་སྐུ་སྤྲོས་པ་མེད་པའི་བྱིན་རླབས་ཏེ།། ཆོས་སྐུ་གསང་དབང་ཆོས་སྐུའི་དབང་བསྐུར་བའོ།། རང་བྱུང་ཡེ་ཤེས་གསང་བའི་དབང་བསྐུར་ནི།། མ
157a5 སྤྲོས་རང་གསལ་ཡེ་ཤེས་ཡེ་ཉིད་གསང་།། མ་བརྗོད་རང་བཞིན་རང་གསལ་ཡེ་ཤེས་པ།། མ་སྤྲོས་མ་བརྗོད་ཡེ་ཤེས་གསང་བ་ཉིད།། རང་བཞིན་ལྷུན་གྲུབ་ཡེ་ཤེས་གསང་བའི་དབང་།། རྫོགས་ཆེན་དབང་པོ་ཡང
157a6 རབ་གྱུར་པ་ལ།། རང་བྱུང་ཡེ་ཤེས་གསང་བའི་དབང་བསྐུར་བས།། མ་སྤྲོས་ཡེ་ཤེས་ཆེན་པོར་བྱིན་རླབས་ཏེ།། རང་བྱུང་ཡེ་ཤེས་གསང་བའི་དབང་བསྐུར་བའོ།། ཆོས་སྐུ་ཡེ་ཤེས་གཉིས་མེད་གསང་དབང་ནི།། སྤྲོས
iiif viewer powered by OpenSeadragon
