| e-texts navigator |
| Wylie |
156b1 དབྱེར་མེད་དང་།། དབྱེར་མེད་མིང་མེད་མཚོན་པའི་བཞི་པའོ།། ཆོས་སྐུ་བུམ་པ་དབང་བསྐུར་བྱིན་རླབས་ནི།། སྐྱེ་མེད་རང་གསལ་འགྱུར་མེད་ཡེ་ཉིད་བུམ།། བཅོས་པ་མེད་པའི་རང་བཞིན་རང་གསལ་བ།། སྐྱེ་མེད
156b2 བཅོས་པ་མེད་པ་བུམ་པའི་དབང་།། རྫོགས་ཆེན་དབང་པོ་ཡང་རབ་གྱུར་པ་ལ།། ཆོས་སྐུ་རང་གསལ་བུམ་པས་དབང་བསྐུར་བས།། ཆོས་སྐུ་འགྱུར་བ་མེད་པའི་བྱིན་རླབས་ཏེ།། སངས་རྒྱས་ཆོས་ཀྱི་སྐུ་ཡིས་དབང
156b3 བསྐུར་རོ།། རང་བྱུང་ཡེ་ཤེས་དབང་བསྐུར་བྱིན་རླབས་ཏེ།། མ་སྐྱེས་མི་འགྱུར་ཡེ་ཤེས་ཡེ་ཉིད་བུམ།། མ་བཅོས་པ་ཡི་རང་བཞིན་ཡེ་ཤེས་ལ།། མ་སྐྱེས་མི་འགྱུར་ཡེ་ཤེས་བུམ་པའི་དབང་།། རྫོགས་ཆེན་དབང་པོ་རབ
156b4 ཏུ་གྱུར་པ་ལ།། རང་བྱུང་ཡེ་ཤེས་བུམ་པའི་དབང་བསྐུར་བས།། རང་བྱུང་ཡེ་ཤེས་མི་འགྱུར་བྱིན་རླབས་ཏེ།། རང་བྱུང་ཡེ་ཤེས་གསུང་གི་དབང་བསྐུར་བའོ།། ཆོས་སྐུ་ཡེ་ཤེས་གཉིས་མེད་བུམ་དབང་ནི།། སྐྱེ་མེད་མ
156b5 སྐྱེས་གཉིས་མེད་ཡེ་ཉིད་བུམ།། བཅོས་མེད་མ་བཅོས་གཉིས་མེད་རང་གསལ་བ།། ཆོས་སྐུ་ཡེ་ཤེས་གཉིས་མེད་བུམ་པའི་དབང་།། རྫོགས་ཆེན་དབང་པོ་ཡང་རབ་གྱུར་པ་ལ།། སྐྱེ་མེད་མ་སྐྱེས་གཉིས་མེད་དབང
156b6 བསྐུར་བས།། གཉིས་མེད་ཐིག་ལེ་ཆེན་པོར་བྱིན་རླབས་ཏེ།། སྐུ་གསུང་ཐུགས་ཀྱི་གཉིས་མེད་དབང་བསྐུར་བའོ།། མིང་མེད་གསུམ་མཚོན་བུམ་དབང་བྱིན་རླབས་ནི།། ཆོས་སྐུ་ཡེ་ཤེས་གཉིས་མེད་མིང་མེད
iiif viewer powered by OpenSeadragon
