| e-texts navigator |
| Wylie |
155b1 པས།། གཉིས་མེད་ཐིག་ལེ་ཆེན་པོར་སངས་རྒྱས་པའོ།། ཡན་ལག་ཟེར་གྱི་སྟོན་པ་ཀུན་བཟང་དེས།། སྡུད་པའི་གསང་བདག་རྡོ་རྗེ་སེམས་དཔའ་ལ།། རང་བཞིན་དབང་བསྐུར་གཉིས་མེད་བྱིན་རླབས་པས།། གཉིས
155b2 མེད་ཐིག་ལེ་ཆེན་པོར་སངས་རྒྱས་པའོ།། ཆོས་སྐུ་རང་བྱུང་ཡེ་ཤེས་ནམ་མཁའ་ལ།། ཀུན་ཏུ་བཟང་པོ་ངང་ཉིད་ནམ་མཁའ་འབྱུང་།། ང་ལས་ང་བྱུང་བ་ཉིད་ནམ་མཁའ་ལ།། ང་ལ་ང་ཉིད་ནམ་མཁའ་ངས་བསྟན
155b3 པ།། ཆོས་སྐུ་རང་རིག་མེད་པའི་ནམ་ཉིད་དང་།། རང་བྱུང་ཡེ་ཤེས་རང་རིག་མཁའ་ཉིད་གཉིས།། དབྱེར་མེད་གཅིག་སྟེ་ནམ་མཁའ་ཉིད་ཀྱི་ངང་།། གཅིག་དང་ཐ་དད་དག་ལས་གྲོལ་གནས་པའི།། རང་བཞིན
155b4 དབང་བསྐུར་ལ་ཡང་རྣམ་གཉིས་ཏེ།། སྤྱི་ཡི་རང་བཞིན་ལྷུན་གྲུབ་དབང་བསྐུར་དང་།། ཁྱད་པར་རང་བཞིན་ལྷུན་གྲུབ་དབང་བསྐུར་བའོ།། སྤྱི་ཡི་ལྷུན་གྲུབ་དབང་བསྐུར་རྣམ་བཞི་སྟེ།། རང་བཞིན་ལྷུན་གྲུབ་བུམ
155b5 པའི་དབང་བསྐུར་དང་།། གསང་བའི་དབང་དང་ཤེས་རབ་ཡེ་ཤེས་དབང་།། དབྱེར་མེད་མཚོན་པའི་དབང་སྟེ་བཞི་པའོ།། རང་བཞིན་ལྷུན་གྲུབ་བུམ་པའི་དབང་བསྐུར་བ།། ཆོས་སྐུ་རིག་མེད་ཕྱི་སྟེ་བུམ་ཉིད
155b6 དང་།། རང་བྱུང་ཡེ་ཤེས་ནང་སྟེ་བར་ཉིད་གཉིས།། ཕྱི་ནང་གཉིས་སུ་མེད་པའི་བུམ་པའི་དབང་།། རྫོགས་ཆེན་དབང་པོ་ཡང་རབ་གྱུར་པ་ལ།། རབ་བཞིན་གཉིས་མེད་བུམ་པའི་དབང་བསྐུར་བས།། གཉིས་མེད་ཐིག
iiif viewer powered by OpenSeadragon
